وہ زندگی تھی اس سے گلہ ہی نہیں مجھے

 وہ زندگی تھی اُس سے گِلہ ہی نہیں مجھے

اک درد دل میں تھا جو رہا ہی نہیں مجھے

اک بار اُس نے مجھ کو پکارا تھا کہہ کے جاں

پھر ہوش اس کے بعد سے تھا ہی نہیں مجھے

مانگی تھی اس نےجان، سو ہنس ہنس کے پیش کی

پھر اِس کے بعد اُس نے کہا ہی نہیں مجھے

کرتا ہے پیار اب وہ کسی اور سے، مگر

اس سے کڑی تو اور سزا ہی نہیں مجھے

پہلا وہ عشق تھا جو مجھے اُس سے ہو گیا

پھر اس کے بعد تو یہ ہوا ہی نہیں مجھے

ملتے رہے ہیں لوگ بچھڑ کر یہاں پہ بھی

بچھڑا وہ اس طرح کہ ملا ہی نہیں مجھے

کہنے میں جس سے داستاں دل کی گیا عجیب

حیرت ہوئی جب اُس نے سنا ہی نہیں مجھے

عجیب ساجد