عام لوگوں کو بھی دنیا یہ دِکھا دی جائے
اب مِرے جسم کی دیوار گِرا دی جائے
ہر طرف آؤ اُگاتے ہیں محبت کے گلاب
فصل نفرت کی عداوت کی جلا دی جائے
روز قانون میں ترمیم ہو اک میرے لیے
روز تعزیز نئی مجھ پہ لگا دی جائے
یہ قیامت بھی چلو کر کے پبا دیکھتے ہیں
ذات اپنی اسے پانے میں گنوا دی جائے
جرم یہ شہرِ محبت سے مٹانا ہے اگر
بے وفاؤں کو سرِ عام وفا دی جائے
ایک طوفان رگ و پے میں مچا دیتی ہے
دِل کی بستی میں کوئی اب نہ صدا دی جائے
جشن اب جیت کا چاہے تو منا لے وہ نعیم
مِری حالت مِرے دشمن کو بتا دی جائے
نعیم جاوید
No comments:
Post a Comment