دھوپ میں کام یہ آتے ہیں بِنا اُجرت کے
اس لیے پیڑ لگاتے ہیں بنا اجرت کے
زندگی نام کے اس دشت میں جو بھی آئے
ہم اسے راہ دکھاتے ہیں بنا اجرت کے
ہم سے مزدور زمانے میں کہاں ہوتے ہیں
جو تجھے روز ہنساتے ہیں بنا اجرت کے
کیا بتائیں کہ اب اس طاق سے کیا نسبت ہے
کیوں وہاں دِیپ جلاتے ہیں بنا اجرت کے
تم کسی گیت کو گا لو کہ سدا زندہ رہے
ہم کوئی ساز بناتے ہیں بنا اجرت کے
تجھ سے منسوب اِسی طور ہمیں ہونا ہے
لا، تِرا بوجھ اٹھاتے ہیں بنا اجرت کے
کس کو آواز لگاتے ہیں یوں عطاس احمد
کس کو آواز لگاتے ہیں بنا اجرت کے
اعطاس احمد
No comments:
Post a Comment