رسم الفت سے ہے مقصود وفا ہو کہ نہ ہو

 رسم الفت سے ہے مقصود وفا ہو کہ نہ ہو

زخم دل اور ہو خون بستہ شفا ہو کہ نہ ہو

ہم جفاکار وفا ہیں ہمیں مطلوب نہیں

حاصل زلف سیاہ کار سزا ہو کہ نہ ہو

رکھ لیا تھوڑا سا امکان تمنا نے بھرم

دست شرمندہ رہے چاہے عطا ہو کہ نہ ہو

تھی ستمکاری قسمت کی وہ شدت ہمدم

تو بھی رنجیدہ رہا مجھ سے گلا ہو کہ نہ ہو

اک یہ بندش رہی انجام وفا کو کو کر

اہل دنیا پہ میری رسم روا ہو کہ نہ ہو

بس یہ آشوب محبت کی دوا ہے بالغ

مرگ آسان کی تمنا ہو قضا ہو کہ نہ ہو

عرفان میر