ہم دونوں ہیں اور یہاں ہے بارش بھی

 ہم دونوں ہیں اور یہاں ہے بارش بھی

ساتھ ہمارے رقص کناں ہے بارش بھی

دل میں کیسا پیاس کا موسم ٹھہرا ہے

آنکھوں کے اس پار عیاں ہے بارش بھی

دور تلک ہے خاموشی، ویرانہ پن

ہمراہ شوریدہ سراں ہے بارش بھی

ساون دل میں آگ لگانے آیا ہے

پلکوں پر اک بارِ گراں ہے بارش بھی

سُوکھی دھرتی کُھل کر استقبال کرے

ہریالی کی ایک زباں ہے بارش بھی

اک اک قطرہ تیر صِفت سینے میں چُبھے

ہائے، کیا سفاک کماں ہے بارش بھی

دشت میں ایک نرالا منظر دیکھا ہے

آگ جلی ہے وہیں جہاں ہے بارش بھی 

حسنین محسن