حضور آپ بنائیں تو بات بنتی ہے

 عارفانہ کلام نعتیہ کلام

حضورﷺ آپؐ بنائیں تو بات بنتی ہے

حضورؐ در پہ بلائیں تو بات بنتی ہے

حضورؐ میری خطاؤں کا کچھ شمار نہیں

حضورِ روضہ دکھائیں تو بات بنتی ہے

حضورؐ چاروں طرف سے دکھوں نے گھیرا ہے

حضورؐ مجھ کو بچائیں تو بات بنتی ہے

حضورؐ آپؐ کی نسبت ہے میرا سرمایہ

حضورؐ مہر لگائیں تو بات بنتی ہے

حضورؐ آپِ کی نظر کرم رہے مجھ پر

حضورؐ غم نہ ستائیں تو بات بنتی ہے

حضورؐ شوق بہت ہیں مجھے زیارت کے

حضورؐ خواب میں آئیں تو بات بنتی ہے

حضورؐ آپؐ تو شاہد ہیں ہر زمانے کے

حضورِ کم ہوں سزائیں تو بات بنتی ہے

شاہد عباس