پتا پتا کہہ رہا ہے یا محمد مصطفیٰ

  عارفانہ کلام نعتیہ کلام

پتا پتا کہہ رہا ہے یا محمدؐ مصطفیٰﷺ

عرش پہ لِکھا ہُوا ہے یا محمدؐ مصطفیٰؐ

چھپ نہیں سکتا کھبی اسمِ محمدؐ دہر میں

ذرہ ذرہ کر رہا ہے یا محمدؐ مصطفیٰؐ

گونجتی ہے آج بھی ارض و سما میں یہ صدا

ہر طرف بس اک صدا ہے یا محمدؐ مصطفیٰؐ

یہ دعا کا معجزہ مجھ کو عطا اس نے کِیا

میری نسلوں پر عطا ہے یا محمدؐ مصطفیٰؐ

جب بھی کلمہ طیبہ میں نے پڑھا تو ہر طرف

نور سارا چھا گیا ہے یا محمدؐ مصطفیٰؐ

جب سے دل پہ لکھ دیا ہے آپؐ ہیں آقاؐ مِرے

آشکار ایسا ہوا ہے یا محمدؐ مصطفیٰؐ

ہر طرف میدان میں نصرت خدا کی مل گئی

جب بھی حیدر نے پکارا یا محمدؐ مصطفیٰؐ

فرقان حیدر