کھل جائے مرا بخت بیدار مدینے میں

 عارفانہ کلام نعتیہ کلام

کھل جائے مِرا بخت بیدار مدینے میں

ہو عید اگر میری اس بار مدینے میں

تقسیم نہیں کرتی جو عابد و عاصی کو

قدرت نے وہ رکھی ہے دیوار مدینے میں

فرشی نہیں عرشی بھی آتے ہیں سلامی کو

لگتا ہے محمدﷺ کا دربار مدینے میں

اس عالمِ غفلت میں اتنا ہے میسر کب

جتنا ہے ادب یارو درکار مدینے میں

کیا کم ہے تعارف یہ شہزاد مدینے کا

رہتے ہیں دو عالم کے سردار مدینے میں

اے کاش یہ آقاؐ سے صدیقؓ و عمرؓ کہہ دیں

شہزاد بھی آ جائے سرکارؐ مدینے میں

شہزاد مجددی