میں نعت شفیع امم لکھ رہا ہوں

عارفانہ کلام نعتیہ کلام

میں نعتِ شفیعِ اممﷺ لکھ رہا ہوں

میں ان کو خدا کا کرم لکھ رہا ہوں

وہ مولا سے اُمّی لقب پانے والے

انہیں تاجدارِ حرمﷺ لکھ رہا ہوں

ہیں شافعِ روزِ جزا میرے آقاﷺ

تبھی ان کو ابرِ کرم لکھ رہا ہوں

شب و روز نعتِ نبیﷺ میں مگن ہوں

مگر پھر بھی غم ہے کہ کم لکھ رہا ہوں

خدا پر خدا کی خدائی ختم ہے

نبوّت کو انﷺ پہ ختم لکھ رہا ہوں

ابوبکرؓ و فاروقؓ و حیدرؓ، غنیؓ ہوں

محمدﷺ کے نقشِ قدم لکھ رہا ہوں

تصوّر میں ارشد ہے نامِ محمدﷺ

قلم خم ہے آنکھیں ہیں نم لکھ رہا ہوں

سعید ارشد