ہمیں کاش تم سے محبت نہ ہوتی

 فلمی گیت 

ہمیں کاش تم سے محبت نہ ہوتی

کہانی ہماری حقیقت نہ ہوتی

نہ دل تم کو دیتے نہ مجبور ہوتے

نہ دنیا نہ دنیا کے دستور ہوتے

قیامت سے پہلے قیامت نہ ہوتی

ہمیں کاش تم سے محبت نہ ہوتی

ہمی بڑھ گئے عشق میں حد سے آگے

زمانے نے ٹھوکر لگائی تو جاگے

اگر مر بھی جاتے تو حیرت نہ ہوتی

ہمیں کاش تم سے محبت نہ ہوتی

تمہی پھونک دیتے نشیمن ہمارا

محبت پہ احسان ہوتا تمہارا

زمانے سے کوئی شکایت نہ ہوتی

ہمیں کاش تم سے محبت نہ ہوتی

شکیل بدایونی