فلمی گیت
اتنی حسین اتنی جواں رات، کیا کریں
جاگے ہیں کچھ عجیب سے جذبات، کیا کریں
اتنی حسین اتنی جواں رات ۔۔۔۔۔
پیڑوں کے بازوؤں میں مہکتی ہے چاندنی
بے چین ہو رہے ہیں خیالات، کیا کریں
اتنی حسین اتنی جواں رات ۔۔۔۔۔
سانسوں میں گُھل رہی ہے کسی سانس کی مہک
دامن کو چُھو رہا ہے کوئی ہاتھ، کیا کریں
اتنی حسین اتنی جواں رات ۔۔۔۔۔
شاید تمہارے آنے سے یہ بھید کھل سکے
حیران ہیں کہ، آج نئی بات کیا کریں
اتنی حسین اتنی جواں رات ۔۔۔۔۔
ساحر لدھیانوی
No comments:
Post a Comment