مجھے دیوار میں پتھر کی طرح رکھا گیا

مجھے دیوار میں پتھر کی طرح رکھا گیا

اور تجھے سِیپ میں گوہر کی طرح رکھا گیا

حکمران وہ رہا سالار کی صورت میرا

اور مِری سوچ کو لشکر کی طرح رکھا گیا

پارسا بھی رِند بھی کرنے لگے میرا طواف

جب بھی میخانے میں ساغر کی طرح طرح رکھا گیا

خُود سے بچھڑے ہوئے گُزری ہیں کئی صدیاں مجھے

میں کئی صدیاں کُھلے در کی طرح رکھا گیا

پھر بلندی کو مِری چُھو نہ سکا کوئی بھی ہاتھ

مجھ کو اس تاج میں ایک پل کی طرح رکھا گیا

دربدر میں ہُوا تاوان کی صُورت پہلے

کوٹ کی جیب میں پھر زر کی طرح رکھا گیا

کُرۂ ارض نے تسلیم کیا مجھ کو مراد

میں سمندر تھا سمندر کی طرح رکھا گیا

رحمان امجد مراد