سبق پڑھا کے مجھے اپنی آشنائی کا
دیا ہے داغ کسی نے غمِ جدائی کا
علاج ہو نہ سکے جس سے اپنی آئی کا
خدا کی شان وہ دعویٰ کرے خدائی کا
چھپیں گے میری نگاہوں سے کیا وہ پردہ میں
کہ عالم آئینہ ہے ان کی خود نمائی کا
تِرے فقیر کے رُتبے کو شاہ کیا جانے
کُھلا ہے راز کہاں کاسۂ گدائی کا
وہ خود ہی ایک نہ اک ادھر کھنچ آئیں گے
کرے گی دل کی کشش کام رہنمائی کا
بیاں سرِ حقیقت ہے قیس کا دیواں
کچھ اس میں دخل نہیں طبع آزمائی کا
قیس آروی
ضمیرالحق
No comments:
Post a Comment