دل کے آئینے میں جو بھی تصویر تھی

 دل کے آئینے میں جو بھی تصویر تھی مؤقلم کا مصور کے تھا بانکپن

آنکھ کی پُتلیوں میں تھرکتے ہوئے نوجواں لڑکیوں کے سُنہرے بدن

کوئی دوشیزہ تھی بال کھولے ہوئے ساحلِ بحر پر چاندی رات میں

جیسے کُہرے کی چادر میں لِپٹی ہوئی کسمساتی ہوئی چاندنی کی کِرن

خواہِشوں کے جزیروں میں بھٹکے ہوئے جس قدر جِسم تھے وہ ہم آغوش تھے

اپنے عشرت کدوں کی جواں رات میں قُرب کے بیکراں نشے میں تھے مگن

سُرخ جوڑوں میں لِپٹی ہوئی لڑکیاں جن کے چہروں پہ تھی ایک وحشت عیاں

اس لیے کیونکہ ان کے مجازی خدا باندھ کر چل دئیے تھے سروں سے کفن

اِک سُلگتی ہوئی شمع کے قُرب میں کچھ پتنگے جلے تھے جہاں راکھ تھی

راکھ کیا تھی سُلگتی ہوئی آگ تھی پھونک کر رکھ دئیے مخملیِں پیرہن

شِدتِ جذبِ الفت سے خاموش تھے کِتنے تھے بِن پیۓ ہی جو مدہوش تھے

روشنی کے سمندر میں ڈُوبے ہوئے خوشبوؤں میں نہائے ہوئے مرد و زن

محمد عارف