جہانِ دل میں اک عجب خمار رکھنا پڑا
نفیس ہوتے ہوئے بھی غبار رکھنا پڑا
وگرنہ، کوئی تعلق نہ تھا بلندی سے
بس اک وقار کی خاطر اُبھار رکھنا پڑا
تعلقات کہاں دائروں سے چلتے ہیں
مجھ ایسے فرد کو لیکن حصار رکھنا پڑا
خلافِ سنتِ آدم کوئی گیا ہے بھلا
سبھی کو پہلا قدم اشکبار رکھنا پڑا
کچھ اپنی سمت کے بارے بھی غور کرنا تھا
درونِ ذات مجھے اک مدار رکھنا پڑا
یہ کس نے تذکرہ چھیڑا سیاہ راتوں کا
سو روشنی کو وہیں پر نکھار رکھنا پڑا
حسین فرید
No comments:
Post a Comment