شہر نبی میں یا رب جب میری حاضری ہو

 عارفانہ کلام حمد نعت منقبت

شہرِ نبیؐ میں یا رب جب میری حاضری ہو

چہرے پہ تازگی ہو، آنکھوں میں روشنی ہو

بس ایک آرزو ہے، بس ایک جستجو ہے

بس آپؐ کا نگر ہو بس آپؐ کی گلی ہو

وہ لمحہ قیمتی ہے وہ لمحہ جاوداں ہے

جب دل مچل رہا ہو جب آنکھ میں نمی ہو

عشقِ شہِ زمنؐ میں جو رات بھی گُزاروں

اس کا ہر ایک لمحہ پھر کیوں نہ قیمتی ہو

مدحِ نبیؐ میں جو بھی قرطاس پر اتاروں

ہر لفظ مُشکبو ہو،۔ ہر شعر دائمی ہو

اب تو یہی دٗعا ہے دٗنیا و آخرت میں

چشمِ کرم ہمیشہ ہم پر حضورﷺ کی ہو

اس کے علاوہ دانش کوئی نہیں ہے خواہش

صلے علٰی ہو لب پر جب وقت آخری ہو  

    

اعجاز دانش