اصحاب محمد سے جسے پیار نہیں ہے

 عارفانہ کلام حمد نعت منقبت

اصحابِؓ محمدﷺ سے جسے پیار نہیں ہے

گویا اُسے آقاﷺ سے سروکار نہیں ہے

سلطانِ مدینہﷺ نے جنہیں جنتی کہا

اُن کا عدُو کیا دین کا غدار نہیں ہے؟

باطل نہیں تو کیا ہے جو ازواجِ نبیؐ کو

ماں ماننے کو آج بھی تیار نہیں ہے

سیدنا ابوبکرؓ کے ایمان کا مُنکر

جس رنگ میں آئے وہ میرا یار نہیں ہے

اصحابِؓ مصطفیٰؐ پہ تبرا کی روِش کیا

اعدائے دین ہونے کا اقرار نہیں ہے

ہدہد تیری خبروں میں صداقت تو ہے لیکن

اُمت میں سلیمان سا ہشیار نہیں ہے

ہدہد الہ آبادی