عارفانہ کلام حمد نعت منقبت
لفظوں کا اعتبار ہے حُسنِ ادا کے ہاتھ
انسان کا وقار ہے حرفِ حیا کے ہاتھ
من کنت کی صدا پہ بصد شوق و ابتہاج
بیعت کو بڑھ رہے ہیں سبھی انبیا کے ہاتھ
طوفاں میں نام سید سجادؑ کے طفیل
کشتی ہماری کھینے لگے خُود دُعا کے ہاتھ
پیاسی تڑپ رہی تھی فُرات آب کے لیے
غازی نے تشنگی کو بُجھایا لگا کے ہاتھ
چھت پر عَلم لگاتے ہیں ہم لوگ اس لیے
سایہ فگن سروں پہ رہیں با وفا کے ہاتھ
صائب نہ بخشا جائے یہ ممکن کہاں جناب
"ہے آبرو فقیر کی شاہِ ولا کے ہاتھ"
صائب جعفری
No comments:
Post a Comment