ساغر میں زہر ڈھال مگر اک ادا کے ساتھ
تو دشمنی نکال مگر اک ادا کے ساتھ
کہتا ہے تجھ سے کون تشدد سے ہاتھ کھینچ
تیغ و سناں نکال مگر اک ادا کے ساتھ
وا آج بھی ہے بابِ اجابت خدا گواہ
دستِ دعا اچھا مگر اک ادا کے ساتھ
اپنی جگہ ہے گنبدِ بے در کی کج روی
چلتے ہو تم بھی چال مگر اک ادا کے ساتھ
احبابِ غم گسار کا سو بار شکریہ
تم پوچھتے ہو حال مگر اک ادا کے ساتھ
سر سے گزر نہ جائے کہیں موجِ خوں سمیع
خود کو ذرا سنبھال مگر اک ادا کے ساتھ
سمیع سلطانپوری
سمیع اللہ
No comments:
Post a Comment