اکثر تِری نگاہ بھی انجان سی رہی
اُلفت کی زندگی تو عجب زندگی رہی
مقصُود تھا بہار پہ اک طنز اس لیے
کچھ دیر تک گُلوں کے لبوں پر ہنسی رہی
جب تک تمہارے لُطف و کرم کا یقین تھا
آلامِ روزگار میں بھی دل کشی رہی
جب تک دلوں میں درد کے جلتے رہے چراغ
اس بزمِ آرزو میں بڑی روشنی رہی
آتی کہاں سے میری شبوں تک کوئی کِرن
جو صبح آئی تیری حدوں میں رُکی رہی
عظمت دیارِِ غیر کا اب تذکرہ ہو کیا
مجھ سے مِرے وطن کی فضا اجنبی رہی
عظمت النساء
عظمت عبدالقیوم
No comments:
Post a Comment