تیرے دِیدار کو آتے ہیں چلے جاتے ہیں
دو گھڑی عِید مناتے ہیں چلے جاتے ہیں
ہم کو جو تیری طلب ہے تو فقط اتنی ہے
تجھ کو آنکھوں میں بساتے ہیں چلے جاتے ہیں
کبھی بھُولے سے تِرے ہاتھ جو چھُو لیں ہم کو
رُوح میں پھُول کھِلاتے ہیں چلے جاتے ہیں
ہم کو معلوم ہے کیا دو گے محبت کا جواب
پھر بھی زنجیر ہِلاتے ہیں چلے جاتے ہیں
تیری محفل میں جو آ جاتے ہیں ایوب ندیم
ایک دو شعر سُناتے ہیں چلے جاتے ہیں
ایوب ندیم
No comments:
Post a Comment