ہجوم شہر یار سے نکلا تو رو دیا

ہجومِ شہرِ یار سے نکلا، تو رو دیا 

خود سے کسی مقام پہ الجھا، تو رو دیا

وہ عکسِ شوقِ دید تھا یا آنکھوں کا اک خمار

رستہ کسی خیال میں بدلا، تو رو دیا

یہ ضبط اک طویل ارادوں کی ڈھال تھا 

اس نے ذرا سی دیر ہی دیکھا تو رو دیا

پھر سِسکیاں، صدائیں، وحشتِ فراقِ یار 

رستوں نے کوئی حادثہ پوچھا تو رو دیا

اک لفظ لاشعور میں ہاتھوں پہ لکھ کے یوں

وسعت میں اس کے باب کو سمجھا تو رو دیا

عقیلؔ رات بھر یہاں طوفان تھے محوِ سفر 

آنکھوں سے اک فرات جب پھیلا تو رو دیا

عقیل شاہ