تجھے کیا سناؤں میں دلربا تیرے سامنے مرا حال ہے

فلمی گیت

تجھے کیا سناؤں میں دلربا 

تیرے سامنے مرا حال ہے

تری اک نگاہ کی بات ہے 

مری زندگی کا سوال ہے

تجھے کیا سناؤں۔۔۔۔۔

مری ہر خوشی ترے دم سے ہے

مری زندگی ترے غم سے ہے

ترے درد سے رہے بے خبر 

مرے دل کی کب یہ مجال ہے

تجھے کیا سناؤں۔۔۔۔۔

تیرے حسن پر ہے مری نظر

مجھے صبح و شام کی کیا خبر

مری شام ہے تری جستجو

مری صبح تیرا خیال ہے

تجھے کیا سناؤں۔۔۔۔۔

میرے دل جگر میں سما بھی جا

رہے کیوں نظر کا بھی فاصلہ

کہ ترے بغیر تو جانِ جاں

مجھے زندگی بھی محال ہے

تجھے کیا سناؤں میں دلربا

مجروح سلطانپوری