وہ ستم پرور بہ چشم اشکبار آ ہی گیا

 وہ ستم پرور بہ چشم اشکبار آ ہی گیا

چاک دامانی پہ میری اس کو پیار آ ہی گیا

مٹتے مٹتے مٹ گئی جانِ وفا کی آرزو

آتے آتے بے قراری کو قرار آ ہی گیا

چپکے چپکے مجھ پہ میری خامشی ہنستی رہی

روتے روتے جذبِ دل پر اختیار آ ہی گیا

کوئی وعدہ جس کا معنی آشنا ہوتا نہیں

پھر اسی وعدہ شکن پر اعتبار آ ہی گیا

یا الٰہی! جذبۂ ہوش و خِرد کی خیر ہو

منتظر جس کا جنوں تھا وہ دیار آ ہی گیا

بشیر فاروق