سنو گر میں محبت ہوں

 سنو 

گر میں محبت ہوں 

مِرا حق ہے کہ مجھ کو پھُول گجرے دو

ہاں میری زندگی میں ہی 

میرے گرد و نواح کو رنگ و پھُول و حُسن سے بھر دو

میری تعریف میں بولو 

مِری ایک ایک عادت پر نگاہ رکھو 

سنو گر میں محبت ہوں

تو میری زندگی میں ہی مجھے چاہو

اور اتنا ٹوٹ کر چاہو

کہ کل میں نہ ہوں اور تم قبر پر آؤ

تو میں وہاں پر بھی اُٹھ بیٹھوں

تمہارے منہ سے نکلی ساری باتوں پر

وہاں سے بھی میں مسکاؤں 

سنو گر میں محبت ہوں 

مِرا حق ہے 

کہ تم اتنا مجھے چاہو 

کہ کل کو دم نکل جائے 

تو میرے دل میں چاہے جانے کی حسرت کوئی نہ ہو

عروج زہرا زیدی