ممکن نہیں ہے اپنے کو رسوا وفا کرے

 ممکن نہیں ہے اپنے کو رسوا وفا کرے

دنیائے بے ثبات کی خاطر دعا کرے

نور وجود اور اگر حوصلہ کرے

شمعِ حیات جل کے بھی کچھ لو دیا کرے

مر مر کے کوئی کب تلک آخر جیا کرے

کیوں ہر نفس سے زیست کے طعنے سنا کرے

جب کوشش تمام بھی رہ جائے ناتمام

اے حاصلِ حیات! بتا کوئی کیا کرے

جو غم نصیب یار ہو خود اپنی زیست پر

کب تک نگاہِ ناز کا وہ آسرا کرے

ہے عالمِ وجود پہ چھایا ہوا جمود

اے کاش انقلاب کوئی فیصلہ کرے

اب آرزو یہی ہے دمِ نزع اے وفا

غیر از خدا نہ یاد رہے کچھ خدا کرے

وفا براہی