مرورِ وقت کی ہے داستان حرفوں میں
ہزاروں دفن ہیں تاریخ دان حرفوں میں
برائے جاں نہیں دیووں کے پاس طوطے
کچھ آدمی بھی ہیں جن کی جان حرفوں میں
الٰہی! کون تھا وہ جیبھ کا جلا، جس نے
کتر کتر کے نکالی ہے زبان حرفوں میں
ہر ایک جنس کا بازار ہو چلا کالا
کبھی نہ کھولتے فکری دُکان حرفوں میں
ہم آدمی ہیں حرفوں کو کیسے گیان ہوا
کہ بس گیا ہے تمہارا ہی دھیان حرفوں میں
جو اہلِ نور ہیں جنت میں جا جواں ہوں گے
ہم اہلِ نار رہیں گے جوان حرفوں میں
اصغر علی شاہ
No comments:
Post a Comment