تنہا جا کر بیٹھ گیا ہے جنگل میں

 تنہا جا کر بیٹھ گیا ہے جنگل میں

مجھ کو مجنوں دِکھتا ہے اس پاگل میں

ساتھ میں کیسے مر سکتے ہیں میری جاں

باقی ہے بس ایک ہی گولی پسٹل میں

اس کے گھر ٹھہرے تھے اس کے اپنے خاص

میرے جیسے ٹھہر گئے تھے ہوٹل میں

میرے یارو! ہجر کو دلدل فرض کرو

اور میں پورا ڈوب چکا ہوں دلدل میں

پورا مے خانہ ہی بُک کر لے ساقی

یار! ہمارا کچھ نہیں ہوتا بوتل میں

ان لوگوں سے بات نہیں کرنا ساحر

باتیں بدلا کرتے ہیں جو پل پل میں

شکیل ساحر