کہنے کو مُشتِ خاک ابابیل کا بدن
چاہے تو چھید ڈالے یہی فیل کا بدن
خوگر طوافِ کرسئ یزداں کا کیوں نہ ہو
خامہ ہے میرا یہ نہیں جبریل کا بدن
شہ رگ پہ کوتوالِ جہنم مزاج ہے
پگھلے نہیں تو کیا کرے قندیل کا بدن
تاکہ فلک بھی دیکھے سراپا زمین میں
آئینے کی مثال کیا جھیل کا بدن
باالفرض تیری مثل کوئی لے بھی آئے تو
از ننگِ آب آب ہو تمثیل کا بدن
قابیل سے ہی کیوں ہو فقط پُرسشِ جفا
نِگلا ہے خاک نے بھی تو ہابیل کا بدن
عصمت اللہ نیازی
No comments:
Post a Comment