عارفانہ کلام نعتیہ کلام
تکمیلِ معرفت ہے محبت رسولؐ کی
ہے بندگی خدا کی اطاعت رسولؐ کی
ہے مرتبہ حضورؐ کا بالائے فہم و عقل
معلوم ہے خدا کو ہی عزت رسولؐ کی
تسکین دل ہے سرور کون و مکاںؐ کی یاد
سرمایۂ حیات ہے الفت رسولؐ کی
انسانیت، محبت باہم،۔ تمیز، عقل
جو چیز بهی ہے سب ہے عنایت رسولؐ کی
فرمان رب پاک ہے فرمان مصطفیٰﷺ
احکام ایزدی ہیں ہدایت رسولؐ کی
اتنی سی آرزو ہے اے رب دو جہاں
دل میں رہے سحر کے محبت رسولؐ کی
سحر دہلوی
(کنور مہندر سنگھ بیدی)
No comments:
Post a Comment