دل میں ہے حب نبی تو ہے ہماری زندگی

 عارفانہ کلام نعتیہ کلام

دل میں ہے حُبِ نبیﷺ تو ہے ہماری زندگی

ذکرِ احمدﷺ میں کروں ساری کی ساری زندگی

ہو زباں پر ہر گھڑی ذکرِ محمدﷺ مصطفیٰؐﷺ

نام بس لیتا رہوں جب تک ہے جاری زندگی

یہ مِرے آقاؐ کا مجھ پر ہے کرم کہ میں نے بس

مصطفٰیﷺ کے دین پر چل کر گزاری زندگی

جو خدا کے دین سے بھٹکے ہوئے تھے بُت پرست

سرورِ عالمﷺ نے سب کی ہے سنواری زندگی

نامِ احمدﷺ سے دلوں میں پھیلتی ہے روشنی

نامِ احمدﷺ سے جڑی ہے بس ہماری زندگی

چھپ نہیں سکتا کبھی اسمِ محمدﷺ دہر میں

احمدِ مُرسلﷺ نے ہے ایسی گزاری زندگی

کائناتِ رب سے پہلے یہ جہاں روشن ہوا

کُن سے بھی پہلے خدا نے جب اتاری زندگی

دین نے مانگا لہو تو ابنِ حیدرؑ نے کہا؛

ہو نبیﷺ کے دین پر قربان پیاری زندگی

فرقان حیدر