کرم کی بھیک ہو شاہ غریباں یا رسول اللہ

 عارفانہ کلام حمد نعت منقبت سلام

کرم کی بھیک ہو شاہ غریباں یا رسول اللہﷺ

کئی برسوں سے بیٹھا ہوں پریشاں یا رسول اللہﷺ

نظر آنے لگی مجھے دنیا بے نور جانے کیوں

مِرے بھی شہر میں ہو اب چراغاں یا رسول اللہﷺ

سمجھ نہیں آتی جاؤں کہاں میں اس خسارے میں

زمین و آسماں مجھ سے گریزاں یا رسول اللہﷺ

زبان سے لفظ بھی کوئی ادا ہم کر نہیں سکتے

کسی سکتے میں ہیں سارے ہی انساں یا رسول اللہﷺ

اذانوں کی صدائیں سن کے ہم خاموش بیٹھے ہیں

ہمیں ہونا پڑے گا اب پشیماں یا رسول اللہﷺ

کبھی اے کاش جا پہنچوں مدینے کی میں گلیوں میں

کئی دن سے بہت ہوں میں پریشاں یا رسول اللہﷺ

ہوا، سورج، ستارے بدگماں ہونے لگے مجھ سے

میں کس منہ سے کہوں خود کو مسلماں یا رسول اللہﷺ

نوید مرزا