ماں باپ کی یادوں سے بھری ایک نظم آپ کی نذر
حُقہ پینے والے کی یاد میں
وہ دن بھی کتنے اچھے تھے
کبھی جب گھر کے آنگن میں لگے شہتوت کے نیچے
مِری ماں جھاڑو دیتی تھیں
پرانی چارپائی جھاڑ کر پھر سے بچھاتی تھی
مِرے ابا کے حُقہ کی چِلم بھی جگمگاتی تھی
بہاریں مسکراتیں
کہکشائیں رقص کرتی تھیں
میں خود ماں سے لپٹ جاتا
کئی قسمیں اٹھاتا
خود ہی ان کو بھول بھی جاتا
وہ دن
ماضی کے دن کتنے سہانے تھے
مگر اب شہر کے اپنے مسائل ہیں
بہاریں کھو چکی ہیں
کہکشائیں بین کرتی ہیں
نہ ماں زندہ ہے
اور نہ صحن میں شہتوت کا پودا
نہ وہ حُقہ رہا باقی
نہ حُقہ پینے والے ہیں
امجد تجوانہ
No comments:
Post a Comment