میں کھل نہیں سکا کہ مجھے نم نہیں ملا

میں کھل نہیں سکا کہ مجھے نم نہیں ملا

ساقی مِرے مزاج کا موسم نہیں ملا

مجھ میں بسی ہوئی تھی کسی اور کی مہک

دل بجھ گیا کہ رات وہ برہم نہیں ملا

بس اپنے سامنے ذرا آنکھیں جھکی رہیں

ورنہ مِری انا میں کہیں خم نہیں ملا

یہ کس نے بھرم اپنی زمیں کا نہیں رکھا

 یہ کس نے بھرم اپنی زمیں کا نہیں رکھا

ہم جس کے رہے اس نے کہیں کا نہیں رکھا

دیکھا کہ ابھی روح میں فریاد کناں ہے

سجدہ جسے پابند جبیں کا نہیں رکھا

افسوس کہ انکار کی منزل نہیں آئی

ہر چند کہ در بند نہیں کا نہیں رکھا

مجھ کو مری شکست کی دوہری سزا ملی

 مجھ کو مِری شکست کی دوہری سزا ملی

تجھ سے بچھڑ کے زندگی دنیا سے جا ملی

اک قلزم حیات کی جانب چلی تھی عمر

اک دن یہ جوئے تشنگی صحرا سے آ ملی

یہ کیسی بے حسی ہے کہ پتھر ہوئی ہے آنکھ

ویسے تو آنسوؤں کی کمک بارہا ملی

سوچ میں ڈوبا ہوا ہوں عکس اپنا دیکھ کر

 سوچ میں ڈوبا ہوا ہوں عکس اپنا دیکھ کر

جی لرز اٹھا تِری آنکھوں میں صحرا دیکھ کر

پیاس بڑھتی جا رہی ہے بہتا دریا دیکھ کر

بھاگتی جاتی ہیں لہریں یہ تماشا دیکھ کر

ایک دن آنکھوں میں بڑھ جائیگی ویرانی بہت

ایک دن راتیں ڈرائیں گی اکیلا دیکھ کر

اب یاد نہیں سینے میں کہیں اک سورج تھا سو ڈوب گیا

 اب یاد نہیں 

اب یاد نہیں سینے میں کہیں

اک سورج تھا، سو ڈوب گیا

اب اپنا دل ہے کھوٹ بھرا

دنیا کو بدلنے اٹھے تھے

دنیا نے بدل ڈالا کہ نہیں

ساقی فاروقی

یہ کیسی سازش ہے جو ہواؤں میں بہہ رہی ہے

 نوحہ

یہ کیسی سازش ہے جو ہواؤں میں بہہ رہی ہے

میں تیری یادوں کی شمعیں بجھا کے خوابوں میں چل رہا ہوں

تِری محبت مجھے ندامت سے دیکھتی ہے

وہ آبگینہ ہوں خواہشوں کا کہ دھیرے دھیرے پگھل رہا ہوں

یہ میری آنکھوں میں کیسا صحرا اُبھر رہا ہے

خامشی چھیڑ رہی ہے کوئی نوحہ اپنا

 خامشی چھیڑ رہی ہے کوئی نوحہ اپنا

ٹوٹتا جاتا ہے آواز سے رشتہ اپنا

یہ جدائی ہے کہ نسیاں کا جہنم کوئی

راکھ ہوجائے نہ یادوں کا ذخیرہ اپنا

ان ہوائوں میں یہ سسکی کی صدا کیسی ہے

بین کرتا ہے کوئی درد پرانا اپنا

اے ہوائے خوش خبر اب نوید سنگ دے

 انہدام

اے ہوائے خوش خبر، اب نویدِ سنگ دے

میری جیب و آستیں میرے خوں سے رنگ دے

میری عمرِ کج روش مجھ سے کہہ رہی ہے، تُو

اک طلسم ہے، تجھے ٹوٹنا ضرور ہے

تیری بد سرشت فکر، تیرا قیمتی لہو

کھُردری زبان سے چاٹتی چلی گئی

مجھے خبر تھی مرا انتظار گھر میں رہا

 مجھے خبر تھی مِرا انتظار گھر میں رہا

یہ حادثہ تھا کہ میں عمر بھر سفر میں رہا

میں رقص کرتا رہا ساری عمر وحشت میں

ہزار حلقۂ زنجیرِ بام و در میں رہا

تِرے فراق کی قیمت ہمارے پاس نہ تھی

تِرے وصال کا سودا ہمارے سر میں رہا

یوں مرے پاس سے ہو کر نہ گزر جانا تھا

 یوں مِرے پاس سے ہو کر نہ گزر جانا تھا

بول اے شخص! تجھے کون نگر جانا تھا

روح اور جسم جہنم کی طرح جلتے ہیں

اس سے روٹھے تھے تو اس آگ کو مر جانا تھا

راہ میں چھاؤں ملی تھی کہ ٹھہر سکتے تھے

اِس سہارے کو مگر تنگ سفر جانا تھا

ترغیب مجھے اشاروں سے کہہ رہا ہے

 ترغیب

یہ ایک لمحہ جو اپنے ہاتھوں میں چاند سورج لیے کھڑا ہے

مجھے اشاروں سے کہہ رہا ہے

وہ میرے ہمزاد میرے بھائی

جو پتیوں کی طرح سے کمھلا کے زرد ہو کے

تمہارے قدموں میں آ گرے ہیں

وہ دکھ جو سوئے ہوئے ہیں انہیں جگا دوں گا

 وہ دکھ جو سوئے ہوئے ہیں انہیں جگا دوں گا

میں آنسوؤں سے ہمیشہ تِرا پتا دوں گا

بجھے لبوں پہ ہے بوسوں کی راکھ بکھری ہوئی

میں اس بہار میں یہ راکھ بھی اڑا دوں گا

ہوا ہے تیز، مگر اپنا دل نہ میلا کر

میں اس ہوا میں تجھے دور تک صدا دوں گا

درد پرانا آنسو مانگے آنسو کہاں سے لاؤں

درد پرانا آنسو مانگے، آنسو کہاں سے لاؤں

روح میں ایسی کونپل پھوٹی میں کمہلاتا جاؤں

میرے اندر بیٹھا کوئی میری ہنسی اڑائے

ایک پلک کو اندر جاؤں، باہر بھاگا آؤں

سارے موتی جھوٹے نکلے، سارے جادو ٹونے

میری خالی آنکھو بولو، اب کیا خواب سجاؤں

حملہ آور کوئی عقب سے ہے

حملہ آور کوئی عقب سے ہے

یہ تعاقب میں کون کب سے ہے

شہر میں خواب کا رواج نہیں

نیند کی ساز باز سب سے ہے

لوگ لمحوں میں زندہ رہتے ہیں

وقت اکیلا اسی سبب سے ہے

میں ایک رات محبت کے سائبان میں تھا

میں ایک رات محبت کے سائبان میں تھا
مِرا تمام بدن، رُوح کی کمان میں تھا
دھنک جلی تھی فضا خُون سے مُنور تھی
مِرے مزاج کا اِک رنگ آسمان میں تھا
جو سوچتا ہوں اپسے، دل میں پھُول کھِلتے ہیں
وہ خُوش نگاہ نہیں تھا، تو کون دھیان میں تھا

خاک نیند آئے اگر دیدۂ بے دار ملے

خاک نیند آئے اگر دیدۂ بے دار مِلے
اس خرابے میں کہاں خُواب کے آثار مِلے
اس کے لہجے میں قیامت کی فسوں کاری تھی
لوگ آواز کی لذت میں گرفتار مِلے
اس کی آنکھوں میں محبت کے دِیے جلتے رہیں
اور پندار میں اِنکار کی دیوار مِلے

تجھے خبر ہے تجھے یاد کیوں نہیں کرتے

تجھے خبر ہے تجھے یاد کیوں نہیں کرتے
خدا پہ ناز خدا زاد کیوں نہیں کرتے
عجب کہ صبر کی معیاد بڑھتی جاتی ہے
یہ کون لوگ ہیں، فریاد کیوں نہیں کرتے
رگوں میں خون کی مانند ہے سکوت کا زہر
کوئی مکالمہ ایجاد کیوں نہیں کرتے

دامن میں آنسوؤں کا ذخیرہ نہ کر ابھی

دامن میں آنسوؤں کا ذخیرہ نہ کر ابھی
یہ صبر کا مقام ہے، گِریہ نہ کر ابھی
جس کی سخاوتوں کی زمانے میں دھوم ہے
وہ ہاتھ سو گیا ہے، تقاضا نہ کر ابھی
نظریں جلا کے دیکھ مناظر کی آگ میں
اسرارِ کائنات سے پردہ نہ کر ابھی

وہ لوگ جو زندہ ہیں وہ مر جائیں گے اک دن

وہ لوگ جو زندہ ہیں وہ مر جائیں گے اِک دن
اِک رات کے راہی ہیں، گزر جائیں گے اِک دن
یوں دل میں اُٹھی لہر، یوں آنکھوں میں بھرے رنگ
جیسے مِرے حالات سنور جائیں گے اِک دن
دل آج بھی جلتا ہے اسی تیز ہوا میں
اے تیز ہوا! دیکھ، بِکھر جائیں گے اِک دن

اک یاد کی موجودگی سہہ بھی نہیں سکتے

اِک یاد کی موجودگی سہہ بھی نہیں سکتے
یہ بات کسی اور سے کہہ بھی نہیں سکتے
تُو اپنے گہن میں ہے تو میں اپنے گہن میں
دو چاند ہیں اِک ابر میں گہہ بھی نہیں سکتے
ہم جسم ہیں اور دونوں کی بنیادیں امر ہیں
اب کیسے بچھڑ جائیں کہ ڈھہ بھی نہیں سکتے