خود سے بیزار زمانے سے خفا لگتا ہے

 خود سے بیزار زمانے سے خفا لگتا ہے

وحشتِ جاں کا اثر دل پہ سوا لگتا ہے

دشتِ اُمید کی جھُلسی ہوئی خاموشی میں

بس تِرا نام مجھے حرفِ دُعا لگتا ہے

سبز پتوں پہ چمکتی ہوئی شبنم نے کہا

رات ڈھل جائے تو ہر رنگ نیا لگتا ہے

جا کے ان سے کہہ دینا راستے بچھڑتے ہیں

 جا کے ان سے کہہ دینا راستے بِچھڑتے ہیں

دل سے دل کے رشتے میں رابطے بچھڑتے ہیں

آنسوؤں کے حلقے میں پھُول سینت رکھے ہیں

خواب کب مُکرتے ہیں، سِلسلے بچھڑتے ہیں

شور سے ہواؤں کے ہے زمین کی نِسبت

موسموں کی سختی سے قافلے بچھڑتے ہیں

زمیں پر نیم جاں یاری پڑی ہے

 زمِیں پر نِیم جاں یاری پڑی ہے

اِدھر خنجر، اُدھر آری پڑی ہے

میرے ہی سر پہ ہیں اِلزام سارے

بڑی مہنگی وفاداری پڑی ہے

عجب سا خوف پھیلا ہے وطن میں

ہوا کے ہاتھ چنگاری پڑی ہے

بہت کردار بدلے جا چکے ہیں

 ہوش باش

بہت کردار بدلے جا چکے ہیں 

کہانی جو کہ تھی اب تک وہی ہے 

یہ لازم ہے کہانی خود کو بدلے 

وگرنہ فیصلے فطرت کرے گی

بڑے بے رحم اس کے ضابطے ہیں 

کسی سے دوستی اس کی نہیں ہے 

کاندھے پہ اپنی لاش اٹھانی پڑی مجھے

 جینے کی ہر اُمنگ سُلانی پڑی مجھے

کاندھے پہ اپنی لاش اُٹھانی پڑی مجھے

غدار ہمسفر تھے سو کرتا میں کیا بھلا

چلتی ہوئی ٹرین جلانی پڑی مجھے

گہرائی اُلجھنوں کی بُلندی سے جب دِکھی

ہاتھوں سے اپنی سِیڑھی گِرانی پڑی مجھے

تمہیں اپنوں نے سمجھا ہے نہ بیگانے سمجھتے ہیں

 تمہیں اپنوں نے سمجھا ہے نہ بیگانے سمجھتے ہیں

سمجھتے ہیں تو کچھ ہم جیسے دیوانے سمجھتے ہیں

تِری محفل کا ہر پیمانہ🍷، پیمانہ سہی، لیکن

جو ہم تک آئیں ہم تو ان کو پیمانے سمجھتے ہیں

غمِ جاناں لیے بیٹھے ہیں آغوشِ تصور میں

غمِ دوراں کو اب کیا چیز دِیوانے سمجھتے ہیں

در رسول پہ میں سر کے بل چلا جاؤں

 عارفانہ کلام حمد نعت منقبت

عقیل سوچ رہا ہوں کہ کل چلا جاؤں

درِ رسولؐ پہ میں سر کے بَل چلا جاؤں

کوئی چلا ہو مدینے تو میں بھی رُکتا نہیں

اگر ہوا بھی کہے مُجھ سے چل چلا جاؤں

 قریب شہرِ نبیﷺ ہے تو کیوں دلِ مُضطر

سکُون ڈُھونڈنے دشت و جبل چلا جاؤں