سفر وہ نور کا مجھ کو بھی نور کرتا ہوا

 عارفانہ کلام حمد نعت منقبت

سفر وہ نُور کا، مجھ کو بھی نُور کرتا ہُوا

میں جا رہا ہوں ستارے عبور کرتا ہوا

ازل کے جلوے میں ہوتی ہوئی نمُو میری

نیا نیا سا میں خُود میں ظہور کرتا ہوا

میں بارگاہِ نبوّتؐ میں سر جُھکائے ہوئے

میں اپنے ہونے پہ اس پل غرور کرتا ہوا

دکھ کی اس لو کو وہ پروا کبھی ہونے دیتا

 دُکھ کی اس لُو کو وہ پُروا کبھی ہونے دیتا

مجھ میں بکھرے کو اکٹھا کبھی ہونے دیتا

تیری خوشیوں میں خوشی اپنی ملا دی میں نے

دور خود سے تجھے ورنہ کبھی ہونے دیتا

یہ جو قسطوں میں اذیت ہے یہ کم ہو جاتی

رنج اک بار ہی سارا کبھی ہونے دیتا

کسی درویش جیسا ہو رہا ہوں

 کسی درویش جیسا ہو رہا ہوں

ابھی خود میں ذخیرہ ہو رہا ہوں

یہ ریگِ جسم کچھ پہلے رواں تھی

کئی دن سے میں یکجا ہو رہا ہوں

مشیت کا سمندر خوش نہیں ہے

سمٹ کر میں جزیرہ ہو رہا ہوں

وہاں ساحلوں پہ بشارتوں کا چراغ بھی ہے جلا ہوا

 وہاں ساحلوں پہ بشارتوں کا چراغ بھی ہے جلا ہوا

یہاں ہاتھ میرے بندھے ہوئے مِرا بادبان چھدا ہوا

گئی ساعتوں کی تلاش میں مِرا حرف حرف بکھر گیا

کہیں تیرے نام کا شعر بھی تھا بیاض جاں پہ لکھا ہوا

مِری پور پور پہ تتلیاں کئی رنگ چھوڑ کے جا چکیں

تِرے ذکر کا کوئی پھول تھا مِرے رتجگوں میں کھلا ہوا

جانے کس خواب کی شبنم میں بھگوئے ہوئے ہم

 جانے کس خواب کی شبنم میں بھگوئے ہوئے ہم

اور پھر کیسی زمینوں میں ہیں بوئے ہوئے ہم

راکھ کا رنگ مگر راس بہت آیا ہے

کتنے رنگوں کی بلونی میں بلوئے ہوئے ہم

زندگی تجھ سے کوئی بات کبھی طے نہ ہوئی

زندگی تیری ہر اک بات پہ روئے ہوئے ہم

ہوا میں نوحے گھلے درد مشعلوں میں رہا

 ہوا میں نوحے گھُلے درد مشعلوں میں رہا

بہت عجیب سا دُکھ تھا کہ بستیوں میں رہا

تمام پیڑ تھے ساحل پہ آگ کی زد میں

مِرے قبیلے کا ہر فرد پانیوں میں رہا

یہ جانتے بھی کہ سارا سفر خلا کا ہے

بلا کا حوصلہ ٹُوٹے ہوئے پروں میں رہا

ایک نشتر سا رگ جاں میں اترنے دینا

 ایک نشتر سا رگِ جاں میں اُترنے دینا

زندہ رہنا ہے تو زخموں کو نہ بھرنے دینا

اور کچھ دیر نہ اے تیز ہواؤ! تھمنا

جتنے بوسیدہ ہیں صفحات بکھرنے دینا

تیری پہچان کی اک قوس الگ بن جائے

اپنے لہجے کو ذرا اور سنورنے دینا

کم یا زیادہ آب و دانہ سب چلتا ہے

 کم یا زیادہ، آب و دانہ سب چلتا ہے

باغ ہو کوئی یا ویرانہ سب چلتا ہے

جاناں جیون کھیل بچھڑنے اور ملنے کا 

جاناں میں نے تجھ سے کہا نا سب چلتا ہے 

ایک پہاڑی رستے کا در پیش سفر ہو 

گیت، کہانی یا افسانہ سب چلتا ہے

خواب ایسے کہ گئی رات ڈرانے لگ جائیں

 خواب ایسے کہ گئی رات ڈرانے لگ جائیں

درد جاگے تو سلانے میں زمانے لگ جائیں

ہم وہ نادان ہواؤں سے وفا کی خاطر

اپنے آنگن کے چراغوں کو بجھانے لگ جائیں

تھوڑے گیہوں ابھی مٹی پہ رکھے رہنے دو

وہ پرندے کہ کبھی لوٹ کے آنے لگ جائیں