کس شان سے تھامے ہوئے دامان محمد

عارفانہ کلام نعتیہ کلام

کس شان سے تھامے ہوئے دامانِ محمدؐ

داخل ہوئے جنت میں غلامانِ محمدؐ

کہتا ہے یہ ارمان حیاتِ ابدی کا

ہو جائیے سو جان سے قربان محمدؐ

جب تک نہ سنائے گا خدا مژدہ بخشش

چھوڑیں گے نہ ہم گوشہ دامانِ محمدؐ

صبح کو آئے ہو نکلے شام کے

صبح کو آئے ہو نکلے شام کے

جاؤ بھی اب تم مِرے کس کام کے

ہاتھا پائی سے یہی مطلب بھی تھا

کوئی منہ چومے کلائی تھام کے

تم اگر چاہو تو کچھ مشکل نہیں

ڈھنگ سو ہیں نامہ و پیغام کے

جلاؤ غیرکو بجلی گرا کر

جلاؤ غیرکو بجلی گرا کر

نظر ہم سے ملاؤ مسکرا کر

جو بیٹھے ہیں کبھی محفل میں آ کر

تو اٹھے سینکڑوں فتنے اٹھا کر

ہنسو بولو کہ ہے یہ وصل کی شب

نہ بیٹھو آج کے دن منہ بنا کر

بیٹھ جاتا ہوں جہاں چھاؤں گھنی ہوتی ہے

بیٹھ جاتا ہوں جہاں چھاؤں گھنی ہوتی ہے

ہائے، کیا چیز غریب الوطنی ہوتی ہے

نہیں مرتے ہیں تو ایذا نہیں جھیلی جاتی

اور مرتے ہیں تو پیماں شکنی ہوتی ہے

دن کو اک نور برستا ہے مِری تُربت پہ

رات کو چادرِ مہتاب تنی ہوتی ہے

کچھ پاس جب رہا نہ انہیں رسم و راہ کا

کچھ پاس جب رہا نہ انہیں رسم و راہ کا

جاتا رہا خیال ہمیں بھی نباہ کا

ہوتا نہیں ہے کچھ بھی اثر میری آہ کا

کیا دل سیاہ ہے فلکِ روسیاہ کا

تم آج یوں بدل گئے یہ کل کی بات ہے

کھا کھا کے قسمیں عہد کیا تھا نباہ کا

جنت کی آرزو ہے نہ حوروں کی چاہ ہے

جنت کی آرزو ہے نہ حوروں کی چاہ ہے
محشر میں بھی تمہیں پہ ہماری نگاہ ہے
اب ان سے دور دور کی کچھ رسم و راہ ہے
یہ دوستی نہیں ہے فقط اک نباہ ہے
صبحِ شبِ وصال ہے غصہ بھی شرم بھی
ترچھی نگاہ ہے، کبھی نیچی نگاہ ہے

دیا جب جام مے ساقی نے بھر کے

دیا جب جامِ مے ساقی نے بھر کے 

تو پچھتائے بہت ہم توبہ کر کے 

رہیں گے خاک میں ہم کو مِلا کر

تِرے انداز اس نیچی نظر کے

خدا محفوظ رکھے ان کی ضد سے

جو کہتے ہیں دکھا دیتے ہیں کر کے

شب وصال یہ کہتے ہیں وہ سنا کے مجھے

شبِ وصال یہ کہتے ہیں وہ سنا کے مجھے

کسی نے لوٹ لیا اپنے گھر بلا کے مجھے

وہ بولے وصل کی شب آپ میں نہ پا کے مجھے

چلے گئے ہیں کہاں اپنے گھر بلا کے مجھے

مجھے ہے غش، انہیں حیرت، عجیب عالم ہے

میں کھو گیا ہوں انہیں دیکھ کر، وہ پا کے کے مجھے

حسینوں سے فقط صاحب سلامت دور کی اچھی

حسینوں سے فقط صاحب سلامت دور کی اچھی

نہ ان کی دوستی اچھی نہ ان کی دشمنی اچھی

جفا دوست اس کو کہتا ہے کوئ، کوئ وفا دشمن

ہمارے ساتھ تو اس نے نباہی دوستی اچھی

محبت کے مزے سے دل نہیں آشنا جس کا

نہ اس کی زندگی اچھی نہ اس کی موت ہی اچھی

دل لے کے ہر بشر کا ستمگر نہ چال کر

دل لے کے ہر بشر کا ستمگر نہ چال کر

کھوٹے کھرے سبھی ہیں ذرا دیکھ بھال کر

ساقی عبث عبث ہے تجھے محتسب کا ڈر

تھوڑی سی دے بھی دے مجھے چپکے سے ڈال کر

جب حرص ابھارتی ہے تو کہتی ہے مجھ سے عار

مر جا مگر کسی سے نہ ہر گز سوال کر

کیوں مجھ سے ہے یہ مفت کی تکرار کیا ہوا

کیوں مجھ سے ہے یہ مفت کی تکرار کیا ہوا

اچھا جو میں نے کر ہی لیا پیار، کیا ہوا

واعظ تِری زباں تو پکڑتے نہیں غریب

آئے جو بزمِ وعظ میں مے خوار کیا ہوا

کہتے نہ تھے رقیب ہیں سب جھوٹے مدعی

دیکھو کھنچی جو میان سے تلوار کیا ہوا