اب کے برس بھی وہ نہیں آیا بہار میں

 اب کے برس بھی وہ نہیں آیا بہار میں

گزرے گا ایک اور برس انتظار میں

یہ آگ عشق کی ہے بجھانے سے کیا بجھے

دل تیرے بس میں ہے نہ مِرے اختیار میں

ہے ٹوٹے دل میں تیری محبت، تیرا خیال

خوش رنگ ہے بہار جو گزری بہار میں

ہم دوستی احسان وفا بھول گئے ہیں

 ہم دوستی، احسان، وفا بھول گئے ہیں

زندہ تو ہیں جینے کی ادا بھول گئے ہیں

خوشبو جو لٹاتی ہے مسلتے ہیں اسی کو

احسان کا بدلہ یہی ملتا ہے کلی کو

احسان تو لیتے ہیں صِلہ بھول گئے ہیں

ہم دوستی، احسان، وفا بھول گئے ہیں

لے کر حسین شام تیری یاد آ گئی

فلمی گیت

لے کر حسین شام تیری یاد آ گئی

یہ شام تیرے نام تیری یاد آ گئی

لے کر حسین شام تیری یاد آ گئی

ہر کوئی جانتا تھا مجھے تیرے نام سے

پوچھا کسی نے نام

یہ شام تیرے نام تیری یاد آ گئی

لے کر حسین شام تیری یاد آ گئی

راز کی بات کہہ گیا چہرہ

فلمی گیت

راز کی بات کہہ گیا چہرہ

بن گیا دل کا آئینہ چہرہ

راز کی بات کہہ گیا چہرہ

آج کا دن حسین گزرے گا

صبح دیکھا ہے آپ کا چہرہ

بن گیا دل کا آئینہ چہرہ

راز کی بات کہہ گیا چہرہ

حسن والوں کو ستانے میں مزہ آتا ہے

فلمی گیت

حسن والوں کو ستانے میں مزہ آتا ہے

وہ جو روٹھے تو منانے میں مزہ آتا

حسن والوں کو ستانے میں مزہ آتا ہے

جام مانگا تو دیا ساقی نے ہنس کر یہ جواب

مجھ کو نظروں سے پلانے میں آتا ہے

حسن والوں کو ستانے میں مزہ آتا ہے

ساتھ چھوٹے گا کیسے مرا آپ کا

گیت

ساتھ چھُوٹے گا کیسے مرا آپ کا

جب مرا دل ہی گھر بن گیا آپ کا

ساتھ چھوٹے گا کیسے مرا آپ کا

آپ آۓ بڑی عمر ہے آپ کی

بس ابھی نام میں نے لیا آپ کا

جب مرا دل ہی گھر بن گیا آپ کا

ساتھ چھوٹے گا کیسے مرا آپ کا

تو چیز بڑی نمکین ہے

گیت

زلفوں میں رنگ اودھ کا ہے

اور صبح بنارس چہرہ ہے

کشمیر کا تجھ میں حسن بھرا

پنجاب کا آنکھوں میں ہے نشہ

تیری ادا ادا رنگین ہے

تُو چیز بڑی نمکین ہے

چاند جیسا نہ کنول جیسا ہے

چاند جیسا نہ کنول جیسا ہے

تیرا چہرہ تو غزل جیسا ہے

میرے خوابوں نے تراشا ہے جسے

تُو اسی تاج محل جیسا ہے

دن بدلتے رہے، موسم بدلے

تُو مگر آج بھی کل جیسا ہے

تیرا چہرہ ہے آئینے جیسا

تیرا چہرہ ہے آئینے جیسا

کیوں نہ دیکھوں دیکھنے جیسا 

تم کہو تو میں پوچھ لوں تم سے 

ہے سوال ایک پوچھنے جیسا 

دوست مل جائیں گے کئی لیکن 

نہ ملے گا کوئی میرے جیسا 

ہنس کے غم سہ لے مگر غم کو مقدر نہ بنا

ہنس کے غم سہہ لے مگر غم کو مقدر نہ بنا

دل کو ہر حال میں دل رہنے دے، پتھر نہ بنا

خواب تو خواب ہے ٹوٹے گا تو دل ٹوٹے گا

جھوٹے خوابوں سے کوئی زخم تو دل پر نہ بنا

ایک میں ہوں جو وفا کر کے بھی بدنام ہوا

ایک وہ ہے کہ ستم کر کے ستمگر نہ بنا

پھول کھلتے ہیں مسکرانے سے

پھول کِھلتے ہیں مسکرانے سے

مسکرا دو کسی بہانے سے

کچھ نہیں تو دعا سلام سہی

پیار بڑھتا ہے آنے جانے سے

چہرہ ہر راز کھول دیتا ہے

عشق چھپتا نہیں چھپانے سے

کھیل نہیں یہ دل کی لگی ہے درد سے اب کیوں روتا ہے

کھیل نہیں یہ دل کی لگی ہے درد سے اب کیوں روتا ہے

یہ تو محبت ہے دیوانے! اس میں یہی کچھ ہوتا ہے

عشق کا سودا، جان کا سودا، دل کا لگانا کھیل نہیں

اس کو یہ منزل ملتی ہے جو عشق میں سب کچھ کھوتا ہے

آس جو ٹوٹے دل ٹوٹے گا آس کسی سے مت رکھنا

یہ دنیا ہے اس دنیا میں کون کسی کا ہوتا ہے