اے ارض وطن زندہ رہنا ہے قیامت تک

 شہداء و غازیانِ پاکستان کو خراجِ تحسین

اے ارضِ وطن زندہ رہنا ہے قیامت تک

دوستو پھر وہی ساعت وہی رُت آئی ہے

ہم نے جب اپنے ارادوں کا علَم کھولا تھا

دل نے جب اپنے ارادوں کی قسم کھائی تھی

شوق نے جب رگِ دوراں میں لہُو گھولا تھا

پھر وہی ساعتِ صد رنگ وہی صُبحِ جُنوں

اپنے ہاتھوں میں نئے دور کی سوغات لیے

کتنی بلندیوں پہ ہے ایوان فاطمہ

 عارفانہ کلام حمد نعت منقبت

کتنی بلندیوں پہ ہے ایوانِ فاطمہؑ

رُوح الامیںؑ ہے صُورت دربانِ فاطمہؑ

حاصل کہاں دماغ کو عرفانِ فاطمہؑ

خُلدِ بریں ہے نقشۂ اِمکانِ فاطمہؑ

کیا سوچیے بہارِ گُلستانِ فاطمہؑ

حَسنینؑ جب ہوں سُنبل و ریحانِ فاطمہؑ

اے شہر علم و عالم اسرار خشک و تر

 عارفانہ کلام حمد نعت منقبت

 عارفانہ کلام حمد نعت منقبت

اے شہرِ عِلم و عالمِ اسرارِ خُشک و تر​

تُو بادشاہِ دِیں ہے، تُو سُلطانِ بحر و بر​

ادراک و آگہی کی ضمانت تِرا کرم

ایقان و اعتقاد کا حاصل تِری نظر​

تیرے حروف نُطقِ الٰہی کا معجزہ

تیری حدیث سچ سے زیادہ ہے معتبر

کبھی جو اس میں رسول کا نقش پا ملا ہے

 عارفانہ کلام حمد نعت مقبت

کبھی جو اس میں رسول کا نقشِ پا ملا ہے

ہمارے دل کو مقامِ غارِ حِرا ملا ہے

عجیب سر ہے کہ عرش تک سرفراز ٹھہرا

عجیب در ہے کہ اس پر آ کر خدا ملا ہے

میں تیری مدحت کو کس بلندی حرف پر سوچوں

تُوﷺ انبیاء کے ہجوم میں بھی جدا ملا ہے

سال کے آخری دن نہایت کٹھن ہیں

 ‏گزرتا ہوا سال جیسا بھی گزرا

مگر سال کے آخری دن 

نہایت کٹھن ہیں 

میرے ملنے والو

نئے سال کی مسکراتی ہوئی صبح

گر ہاتھ آئے تو ملنا

تم نے بھی ٹھکرا ہی دیا ہے دنیا سے بھی دور ہوئے

 تم نے بھی ٹھکرا ہی دیا ہے دنیا سے بھی دور ہوئے

اپنی انا کے سارے شیشے آخر چکنا چُور ہوئے

ہم نے جن پر غزلیں سوچیں ان کو چاہا لوگوں نے

ہم کتنے بدنام ہوئے تھے، وہ کتنے مشہور ہوئے

ترکِ وفا کی ساری قسمیں ان کو دیکھ کے ٹوٹ گئیں

ان کا ناز سلامت ٹھہرا، ہم ہی ذرا مجبور ہوئے

اپنی پلکوں پہ جمی گرد کا حاصل مانگے

 اپنی پلکوں پہ جمی گرد کا حاصل مانگے

وہ مسافر ہوں جو ہر موڑ پہ منزل مانگے

میری وسعت کی طلب نے مجھے محدود کیا

میں وہ دریا ہوں جو موجوں سے بھی ساحل مانگے

خواہش وصل کو سو رنگ کے مفہوم دئیے

بات آساں تھی مگر لفظ تو مشکل مانگے

جہان انسانیت میں توحید کا مقدس خیال زہرا

 مدحت فاطمہ زہراؑ

جہانِ انسانیت میں توحید کا مقدس خیال زہراؑ

شرف میں وحدت ادا، امامت جبیں، نبوّت جمالِ زہراؑ

ہو جس پہ نازاں دلِ مصور، وہ نقشِ حسنِ کمال زہراؑ

خدائے بے مثل کی خدائی میں تا ابد بے مثال زہراؑ

یہ شمعِ عرفانِ ایزدی ہے، یہ مرکزِ آلِ مصطفیٰؐ ہے

حسنؑ سے مہدیؑ تلک امامت کے سلسلے کی یہ ابتدا ہے

اے عالم نجوم و جواہر کے کردگار (مکمل)

عارفانہ کلام حمدیہ کلام

موجِ ادراک

اے عالمِ نجوم و جواہر کے کِردگار

اے کارسازِ دہر و خداوندِ بحر و بر

اِدراک و آگہی کے لیے منزلِ مراد

بہرِ مسافرانِ جنوں ، حاصلِ سفر

یہ برگ و بار و شاخ و شجر، تیری آیتیں

تیری نشانیاں ہیں یہ گلزار و دشت و در

لوح جہاں پہ فکر کی معراج فن کا نام

 عارفانہ کلام منقبت سلام مرثیہ بر سیدنا امام حسنؑ

لوحِ جہاں پہ فکر کی معراجِ فن کا نام

لکھا ہے پنجتنؑ کی حسِیں انجمن کا نام

سوچا خزاں کے عہد میں جب بھی چمن کا نام

آیا میری زباں پہ امامِ حسنؑ کا نام

جس نے خدا کے دین کی صورت اُجال دی

وحشی دلوں میں امن کی بنیاد ڈال دی

یہ معجزۂ نعت رسول مدنی ہے

عارفانہ کلام نعتیہ کلام

 یہ معجزۂ نعتِ رسولِ مدنیﷺ ہے

جو لفظ بھی لکھتا ہوں، عقیقِ یمَنی ہے

حرفوں کی قطاریں ہیں کہ رنگوں کے جزیرے

الفاظ کی جھلمل ہے کہ گُل پیرہنی ہے

چہرے کی شعاعوں کے گداگر مہ و خورشید

زُلفوں سے خجل، شب کی ستارہ بدنی ہے

یاد زینب کو جو عباس کے بازو آئے

 عارفانہ کلام منقبت سلام مرثیہ بر امام حسین و شہدائے کربلا

یاد زینبؑ کو جو عباسؑ کے بازو آئے

دیر تک آنکھ میں بے ساختہ آنسو آئے

قبر اصغرؑ پہ گھڑی بھر کو چراغاں تو ہوا

کربلا سے جو بھٹکتے ہوئے جگنو آئے

مٹ گئی یاد سے تقدیر کے ماتھے کی شکن

ذہن میں جب علی اکبرؑ تیرے گیسو آئے

حسین ابن علی پر سلام کہنا ہے

عارفانہ کلام منقبت سلام مرثیہ

 بصد رکوع و سجود و قیام کہنا ہے

حسینؑ ابنِ علیؑ پر سلام کہنا ہے

زباں کو چاہیے کچھ اعتمادِ خاکِ شفا

ہمیں جبیں کو معلّیٰ مقام کہنا ہے

غمِ حسینؑ میں اک اشک کی ضرورت ہے

پھر اپنی آنکھ کو، کوثر کا جام کہنا ہے

کیا خاک وہ ڈریں گے لحد کے حساب سے

 عارفانہ کلام منقبت سلام بحضور امام حسینؑ

کیا خاک وہ ڈریں گے لحد کے حساب سے

منسوب ہیں جو خاکِ رہِ بو ترابؑ سے

مشکل کشا ہیں پاس، فرشتو! ادب کرو

مشکل میں ڈال دوں گا سوال و جواب سے

خیبر میں دیکھنا یہ ہے جبریل یا اجل

لپٹا ہوا ہے کون علیؑ کی رکاب سے

میرے خیال کو نسبت ہوئی مدینے سے

عارفانہ کلام نعتیہ کلام

میرے خیال کو نسبت ہُوئی مدینے سے 

مہک گلاب کی آنے لگی پسینے سے

نبیﷺ کا نام اگر لو تو اس قرینے سے

دعا یہاں سے چلے اور اثر مدینے سے

نبیؐ کے در سے ہی خیراتِ علم ملتی ہے 

یہ رزق ملتا ہے سرکارﷺ کے خزینے سے

نہ وہ ملتا ہے نہ ملنے کا اشارہ کوئی

 نہ وہ ملتا ہے نہ ملنے کا اشارہ کوئی

کیسے امید کا چمکے گا ستارہ کوئی

حد سے زیادہ، نہ کسی سے بھی محبت کرنا

جان لیتا ہے سدا، جان سے پیارا کوئی

بے وفائی کے ستم تم کو سمجھ آ جاتے

کاش! تم جیسا اگر ہوتا تمہارا کوئی

اندھیری رات میں جگنو ستارے ڈھونڈتے رہنا

 اندھیری رات میں جگنو ستارے ڈھونڈتے رہنا

بھنور میں سب پہ واجب ہے کنارے ڈھونڈتے رہنا

کبھی دیوار سے رشتہ، کبھی در تھام لیتے ہیں

عجب قسمت غریبوں کی سہارے ڈھونڈتے رہنا

محبت کرنے والوں کے تقاضے بھی نرالے ہیں

منافع بخشتے رہنا،۔ خسارے ڈھونڈتے رہینا

اجڑ اجڑ کے سنورتی ہے تیرے ہجر کی شام

 اجڑ اجڑ کے سنورتی ہے تیرے ہجر کی شام

پوچھ کیسے گزرتی ہے تیرے ہجر کی شام

یہ برگ برگ اداسی بکھر رہی ہے میری

کہ شاخ شاخ اترتی ہے تیرے ہجر کی شام

میرے سفر میں اک ایسا بھی موڑ آتا ہے

جب اپنے آپ سے ڈرتی ہے تیرے ہجر کی شام

بچھڑنا ہے تو خوشی سے بچھڑو سوال کیسے جواب چھوڑو

بچھڑنا ہے تو خوشی سے بچھڑو سوال کیسے، جواب چھوڑو

ملی ہیں کس کوجہاں کی خوشیاں ملے ہیں کس کو عذاب چھوڑو

نئے سفر پہ جو چل پڑے ہو مجھے خبر ہے کہ خوش بڑے ہو

ہے کون اجڑا تمہارے پیچھے یا کس کے ٹوٹے ہیں خواب چھوڑو

محبتوں کے تمام وعدے نبھائے کس نے بھلائے کس نے

تمہیں پشیمانی ہو گی جاناں جو میری مانو حساب چھوڑو

خود اپنے دل میں خراشیں اتارنا ہوں گی

 خود اپنے دل میں خراشیں اتارنا ہوں گی

ابھی تو جاگ کے راتیں گزارنا ہوں گی

تِرے لیے مجھے ہنس ہنس کے بولنا ہو گا

مِرے لیے تجھے زلفیں سنوارنا ہوں گی

تِری صدا سے تجھی کو تراشنا ہو گا

ہوا کی چاپ سے شکلیں ابھارنا ہوں گی