طیبہ کی زمیں وہ میرے سرکار کی دنیا

عارفانہ کلام حمد نعت منقبت

طیبہ کی زمیں وہ میرے سرکارؐ کی دُنیا

دُنیا سے نرالی ہے یہ انوار کی دنیا

ہر خار میں صد رنگ بہاروں کی لطافت

ہر ذرّہ میں اک دولتِ بیدار کی دنیا

وہ روضۂ اطہرؐ پہ برستی ہوئی رحمت

آتی ہے نظر فطرتِ سرشار کی دنیا

اے دوست مرے واسطے بس اب یہ دعا کر

 عارفانہ کلام نعتیہ کلام

اے دوست مِرے واسطے بس اب یہ دعا کر

کیفی کو الٰہی! غم محبوبﷺ عطا کر

کچھ اشکِ ندامت کے سوا پاس نہیں ہے

لایا ہوں دامن میں یہی اپنے بچا کر

یہ اشکِ ندامت بھی بڑی چیز ہیں اے دل

آنکھوں میں چھپا لے دُر مقصور بنا کر

پردے اٹھے نگاہ سے ہر شے نکھر گئی

عارفانہ کلام نعتیہ کلام

پردے اٹھے نگاہ سے ہر شے نکھر گئی

تنویر صبح رات کے رخ پر بکھر گئی

دشت وجبل سے نور کے کوندے لپک پڑے

کلیوں کے جام پھولوں کے ساغر چھلک پڑے

برگ و شجر نہال ہوئے، جھومنے لگے

آپس میں ایک ایک کا منہ چومنے لگے

آپ ہی کے جلووں سے ہر طرف اجالا ہے

عارفانہ کلام نعتیہ کلام

آپؐ ہی کے جلووں سے ہر طرف اجالا ہے

ظلمتوں سے انساں کو آپﷺ نے نکالا ہے

ربط جسم و جاں میں ہے آپ ہی کے صدقے میں

اسمِ پاکﷺ سے چلتی ہر نفس کی مالا ہے

جالیوں سے روضے کی چاندنی سی چھنتی ہے

اس کا نور کیا ہو گا؟ نور جس کا ہالہ ہے

تم فخر رسولاں ہو شہ کون و مکاں ہو

عارفانہ کلام نعتیہ کلام

تم فخرِ رسولاں ہو شہِ کون و مکاں ہو

تم حاصلِ کل باعث تخلیق جہاں ہو

تم بحر کرم،۔ ابر سخا،۔ منبعِ احساں

تم مظہر اوصاف خدائے دو جہاں ہو

تم سارے زمانے کے لیے آیۂ رحمت

تم درس اخوت ہو،۔ محبت کا بیاں ہو

ہم نے اخلاص و وفا کے دام پھیلائے بہت

ہم نے اخلاص و وفا کے دام پھیلائے بہت

پھر بھی ہم سے دُور ہی رہتے ہیں ہمسائے بہت

جانے کس کس طرح سے دیتے رہے خود کو فریب

دل کو ٹُھکرا کر اگرچہ لوگ پچھتائے بہت

اپنی ہی تنہائیوں کی آگ میں جلتے ہوئے

راستے میں جا بجا ہم کو ملے سائے بہت

دل کو جس وقت بھی دیکھا اسے پایا تنہا

 دل کو جس وقت بھی دیکھا اسے پایا تنہا

زندگی کیسے کٹے گی یہ خدایا! تنہا

دشتِ پُرخار میں ساتھ اہلِ سفر نے چھوڑا

رہ گیا ساتھ مِرے بس مِرا سایا تنہا

یوں تو ہر سمت بپا سینکڑوں ہنگامے تھے

پھر بھی جس شخص کو دیکھا اسے پایا تنہا

کان سنتے ہیں وہ اک نغمۂ بے ساز کبھی

 کان سنتے ہیں وہ اک نغمۂ بے ساز کبھی

میں جسے کہہ نہ سکوں آپ کی آواز کبھی

کتنے نغمے ہیں جو پردوں میں چھپا رکھے ہیں

آپ چھیڑیں تو یہ سازِ دل ناساز کبھی

ایک عالم ہے کہ دیوانہ بنا پھرتا ہے

اٹھ گئی تھی وہ نگاہِ غلط انداز کبھی

شراب و شیشہ و ذکر بتاں کا وقت نہیں

 شراب و شیشہ و ذکر بتاں کا وقت نہیں

اٹھو اٹھو کہ یہ خوابِ گراں کا وقت نہیں

زمانہ ڈھونڈ رہا ہے عمل کا شیدائی

خطا معاف یہ حسنِ بیاں کا وقت نہیں

روش روش پہ خزاں کی نقیب ہے یارو

چمن بچاؤ، غمِ آشیاں کا وقت نہیں

شبنم تجھے اجازت اظہار غم تو ہے

 شبنم! تجھے اجازتِ اظہارِ غم تو ہے

تُو خوش نصیب ہے کہ تری آنکھ نم تو ہے

صحرا میں کیوں نہ اڑتے بگولے کا ساتھ دوں

دشتِ وفا میں کوئی مرا ہم قدم تو ہے

منزل نہ مل سکی، نہ ملے، کوئی غم نہیں

ہر راہِ شوق میں مرا نقشِ قدم تو ہے

بے خود کھڑا ہوں روضہ اطہر کے سامنے

عارفانہ کلام حمد نعت منقبت

بے خود کھڑا ہوں روضۂ اطہر کے سامنے 

ذرہ ہے آفتابِ منور کے سامنے 

تھا میری تشنگی کو قیامت کا سامنا 

اب خواب ہے یہ ساقئ کوثر کے سامنے

دل میں جمے ہوئے تھے بہت منظرِ جمال 

دھندلا گئے ہیں یہ گنبدِ اخضر کے سامنے

قسمت سے مل گئی ہے قیادت حضور کی

عارفانہ کلام حمد نعت منقبت

قسمت سے مل گئی ہے قیادت حضور کی

الله کا کرم ہے،۔ محبت حضور کی

بھر لی ہیں ہر گدا نے سعادت سے جھولیاں

نگری رہے ہمیشہ سلامت حضور کی

دو حرف ہیں خلاصۂ عرفان و آگہی 

وحدانیت خدا کی، رسالت حضور کی 

فکر چمن ہو قید قفس میں ظرف کہاں یہ اہل ہوس میں

فکرِ چمن ہو قیدِ قفس میں

ظرف کہاں یہ اہلِ ہوس میں

اہلِ محبت طے کرتے ہیں

کتنی منازل ایک نفس میں

فکرِ نشیمن کرنے والو 

برق نہاں ہے خار میں خس میں

زمانہ منقلب ہے انقلاب آیا ہی کرتے ہیں​

زمانہ منقلب ہے انقلاب آیا ہی کرتے ہیں​

اندھیرے رات میں کچھ دیر کو چھایا ہی کرتے ہیں​

مہ و خورشید کو بھی لگ ہی جاتا ہے گہن اک دن​

پھر اس کے بعد پیہم نور برسایا ہی کرتے ہیں​

خزاں کے بعد دورِ فصلِ گل آتا ہے گلشن میں​

چمن والو! خزاں میں پھول مرجھایا ہی کرتے ہیں​

کون ہے جس سے بے پردہ وہ شوخ شمائل ملتا ہے

کون ہے جس سے بے پردہ، وہ شوخ شمائل ملتا ہے

ہم لاکھ اٹھاتے جاتے ہیں جو بھی پردہ حائل ملتا ہے

اس جہد و طلب سے ہی قائم بنیاد ہے بزمِ ہستی کی

وہ موج فنا ہو جاتی ہے جس موج کو ساحل ملتا ہے

گو یہ تو نہیں منزل پہ پہنچے ہوں، مگر یہ کیا کم ہے

اب راہی و رہبر دونوں کا رخ جانبِ منزل ملتا ہے

راہ وفا میں ہر سو کانٹے دھوپ زیادہ سائے کم

راہِ وفا میں ہر سُو کانٹے، دھوپ زیادہ، سائے کم

لیکن اس پر چلنے والے خوش ہی رہے، پچھتائے کم

عمر گلوں کی دو دن، جس میں یہ بھی قیامت بیت گئی

دستِ ہوس نے نوچے لاکھوں، شاخوں پر مرجھائے کم

جبیں کی جب رسائی ان کے سنگ آستاں تک تھی

جبِیں کی جب رسائی ان کے سنگِ آستاں تک تھی

مِرے دستِ تصرف میں فضائے لا مکاں تک تھی

رہو آرام سے اہلِ چمن، اب کچھ نہیں ہو گا

یہ چشمک برق و باراں کی ہمارے آشیاں تک تھی

حصول منزل مقصود سے اچھی تھی ناکامی

جو لذت جستجو میں تھی وہ سعئ رائگاں تک تھی

عشق تسلیم و رضا کے ماسوا کچھ بھی نہیں

عشق تسلیم و رضا کے ماسوا کچھ بھی نہیں

وہ وفا سے خوش نہ ہوں تو پھر وفا کچھ بھی نہیں

مدتوں ان کی طلب میں خاک چھانی تو کھُلا

ایک پردہ بیچ میں ہے، فاصلہ کچھ بھی نہیں

زندگی کا ماحصل ہیں الٹے سیدھے کچھ نقوش

کس قدر خاکے بنائے، اور بنا کچھ بھی نہیں

لاکھ ناکام سہی میں تو ہوں نازاں پھر بھی

لاکھ ناکام سہی میں تو ہوں نازاں پھر بھی

ہر مسرت پہ ہے بھاری غمِ جاناں پھر بھی

عمر بھر ڈھونڈتے رہنا ہے ہمیں تو اس کو 

اس کے ملنے کا نہ ہو کوئی امکاں پھر بھی

مانتا ہوں کہ مجھے ضبطِ فغاں کرنا ہے 

جانتا ہوں کہ نہیں کام یہ آساں پھر بھی

گلشن کی تباہی کا الم کم تو نہیں ہے

گلشن کی تباہی کا اَلم کم تو نہیں ہے
دل خوں ہے مگر فرصتِ ماتم تو نہیں ہے
ڈر یہ ہے کہ مانوس نہ ہو جاؤں خزاں سے
معلوم ہے پھولوں کا یہ موسم تو نہیں ہے
یہ سچ ہے کہ ہر غم کو بھلا دے گا زمانہ
لیکن یہ کسی زخم کا مرہم تو نہیں ہے