ہمارے سینے میں جو خلا تھا

 ہمارے سینے میں جو خلا تھا

وہ سانس لینے سے بڑھ رہا تھا

زمیں مسلسل سرک رہی تھی

میں خود کو تھامے ہوئے کھڑا تھا

میں تیرے چُھونے سے ڈر رہا ہوں

میں تیرے ہاتھوں سے گر گیا تھا

عجب نہیں ہے جو آواز جابجا ہے مری

 عجب نہیں ہے جو آواز جابجا ہے مِری

یہ رفتگاں کے لیے آخری صدا ہے مری

فسردہ بام پہ رکھا ہوا دِیا ہے مِرا

لرزتے طاق میں جلتی ہوئی دعا ہے مری

میں ورد کرتے ہوئے جنگ جیت جاتا ہوں

عجیب اسم ہے اور تیغ پر لکھا ہے مری

بے رتبہ آنکھیں

 بے رُتبہ آنکھیں

کتنا آساں ہے یہ کہنا

یہ تیری ناکامی صلہ ہے تیرے کرموں کا

اسمِ اعظم سے پہچانے جانے والے

میری نیکی کی سچائی

میری جبیں اور مِرے سجدے

کتنا آساں ہے یہ کہنا یہ تیری ناکامی صلہ ہے

 بے رتبہ آنکھیں

کتنا آساں ہے یہ کہنا

یہ تیری ناکامی صلہ ہے تیرے کرموں کا

اسمِ اعظم سے پہچانے جانے والے

میری نیکی کی سچائی

میری جبیں اور مِرے سجدے

مجھے انتظار تھا شام سے میں بھرا ہوا تھا کلام سے

 مجھے انتظار تھا شام سے، میں بھرا ہوا تھا کلام سے

‎مِری اپنے آپ سے گفتگو، کوئی دیکھتا در و بام سے

‎کوئی نہر تھی نہ درخت تھا، یہ کئی زمانوں سے دشت تھا

‎یہاں شہر بستے چلے گئے، مِرے دل میں تیرے قیام سے

‎مِری بزم سے جو چلا گیا، تو پتا چلا اسے رنج تھا

‎اسے رنج تھا کہ میں دیکھتا، میں پکارتا اسے نام سے

راتوں کی دلدل سے نکل کر

 راتوں کی دلدل سے نکل کر

راتوں کی دلدل سے نکل کر

نا موجود زمانے کی

بوجھل تشنگیوں کی بابت

آوازوں کا شور سمندر

چاروں جانب پھیل گیا ہے

اندھیرے دوڑتے ہیں رات کی ویران آنکھوں میں

 زمیں پر آخری لمحے

اندھیرے دوڑتے ہیں رات کی ویران آنکھوں میں

چراغوں کی جڑوں سے روشنی کا خون رِستا ہے

سمندر کشتیوں میں چھید کرتی مچھلیوں سے

بھر گئے ہیں 

منزلوں کی خواہشوں سے دور ہے اب ہر مسافر

دل پر دھڑکن دھڑکن پر وہم اتارے جاتے ہیں

دل پر دھڑکن دھڑکن پر وہم اتارے جاتے ہیں 

ہم اپنے ہی خوف کے ہاتھوں مارے جاتے ہیں 

⽹دیکھوں تو آئینے کا زنگار سلگتا ہے⽹ 

بند کروں تو آنکھوں کے انگارے جاتے ہیں 

ڈھونڈ رہے ہیں کب سے اپنے لہجے کا تِریاق 

لفظ ہمارے ہم پر ہی "پھنکارے" جاتے ہیں 

پہلے تیار کیوں نہیں ہوتا

پہلے تیار کیوں نہیں ہوتا

جسم بیدارکیوں نہیں ہوتا

میں نے بھیدوں سے بھر لیا خود کو

مجھ سے اظہار کیوں نہیں ہوتا

ٹوٹتا جا رہا ہوں بارش سے

سارا مسمار کیوں نہیں ہوتا

تمہارے نام کا ہم ورد کرنے والے تھے

تمہارے نام کا ہم ورد کرنے والے تھے 

کہ اس سبب سے کئی ڈر اترنے والے تھے

میں روز جاتا وہاں پھول رکھ کے آ جاتا 

تم ایک بار جہاں پاؤں دھرنے والے تھے

ہم ایسے لوگ جنہیں روشنی ڈراتی ہے

دِیا جلا کر تِرے نام کرنے والے تھے 

رواں دواں ہے تری سمت اس سبب سے کوئی

رواں دواں ہے تِری سمت اس سبب سے کوئی

زمیں لپیٹ رہا ہے، کہِیں عقب سے کوئی

جنہوں نے ساری گِرہیں کھول کر دکھائی تھیں

نفیس ہاتھ تھے اور لوگ تھے عجب سے کوئی

عجیب رنگ کا اک پھول کِھلتے دیکھتا ہوں 

جہاں نشان سا پڑتا ہے تیرے لب سے کوئی

ایک آواز مجھے اپنی طرف کھینچتی ہے

ایک آواز مجھے اپنی طرف کھینچتی ہے

اک پیالے کی طرح شور سے بھر جاتا ہوں

درد کرتے ہیں سرِ شام تلاوت میری

میں تِرا سوگ مناتے ہوئے گھر جاتا ہوں

رات ہوتے ہی مجھے نیند پکڑ لیتی ہے

آنکھ لگتے ہی تِرے ہجر میں مر جاتا ہوں

گو کہ موجود و میسر سے گریزاں تھا میں

گو کہ موجود و میسر سے گریزاں تھا میں 

بے نمو عہد میں آیندہ کا امکاں تھا میں

شامِ افسوس! مِرے دل نے مِرا ساتھ دیا

شہرِ ہم خواب میں اک رات کا مہماں تھا میں

ایک جیسے در و دیوار تھے چاروں جانب 

اتنے ہم شکل مکانوں میں پریشاں تھا میں

دستک کی دہلیز پہ

دستک کی دہلیز پہ 

دروازے پر دستک کا دم ٹوٹ رہا تھا

میرے لبوں کی تھکی ہوئی آواز نے پوچھا 

کون ہے بھائی؟ 

اب بستر سے دروازے تک جاتے جاتے

ایک زمانہ لگ جاتا ہے

سکوت نیم شبی میں صدا لگاتا ہوا

سکوتِ نیم شبی میں صدا لگاتا ہوا

میں ایک حرف ہوں کوہِ ندا سے آتا ہوا

پھر ایک ہاتھ اسی خاک سے نمایاں ہوا

گزشت و رفت کے ہر نقش کو مٹاتا ہوا

کوئی تو ہے جو پسِ طاق رکھتا جاتا ہے

یہ سارے پھول تیرے ہونٹ سے لگاتا ہوا

مٹنے والا تھا جو اک نقش ابھارا میں نے

مٹنے والا تھا جو اک نقش ابھارا میں نے

اپنے ہونٹوں سے لگا زنگ اتارا میں نے

آئینہ، عمر کی تفصیل بتا دیتا ہے

اک نظر دیکھ لیا خود کو دوبارا میں نے

ویسی ہی شکل کا اک شخص مِرے سامنے تھا

ٹوٹتی نیند میں جو نام پکارا میں نے

بنا کے عرش معلی نماز پڑھتا ہے

 عارفانہ کلام حمد نعت منقبت

بنا کے عرشِ معلّی، نماز پڑھتا ہے

امام خاک پہ بیٹھا نماز پڑھتا ہے

سوار گِرتے رہے ٹُوٹتی رہی تسبیح

بوقتِ عصر اکیلا نماز پڑھتا ہے

میں دیکھتا ہوں کہ قیدی امام کے پیچھے

ہر ایک ماتمی حلقہ نماز پڑھتا ہے

تو گزر گیا کسی موج میں جسے توڑ کر میرے کوزہ گر

تُو گزر گیا کسی موج میں، جسے توڑ کر میرے کُوزہ گر

میرے خال و خد کے نقُوش تھے، اسی چاک پر میرے کوزہ گر

ترے بعد کُوزہ فروش نے، مجھے طاقچے میں سجا دیا

جہاں ٹوٹ جانے کا خوف تھا، مجھے رات بھر میرے کوزہ گر

تیری کار گاہ کی خامشی، مجھے نا تمام نہ چھوڑ دے

تو دوام ہوتے سکوت میں، کوئی بات کر میرے کوزہ گر