یہ مشغلہ ہے کسی کا نہ جانے کیا چاہے

یہ مشغلہ ہے کسی کا، نہ جانے کیا چاہے

نہ فاصلوں کو مٹائے، نہ فیصلہ چاہے

میری بساط ہے کیا، میں ہوں برگِ آوارہ

اڑا کے لے چلے مجھ کو، جدھر ہوا چاہے

جو اصل چہرہ دکھاتا ہے ترجماں بن کر

اس آئینے کی طرف کون دیکھنا چاہے

یہ اندازہ بھی ہو جاتا ہے جی کے

یہ اندازہ بھی ہو جاتا ہے جی کے

بہت عنوان ہیں اس زندگی کے

وہاں جشنِ چراغاں ہو رہا ہے 

یہاں آثار کم ہیں روشنی کے

تِری دہلیز پہ بیٹھا ہوں جب سے 

سلیقے آ گئے ہیں بندگی کے

میرے اقرار پہ اس شخص کے انکار پہ خاک

میرے اقرار پہ اس شخص کے انکار پہ خاک

اے محبت! تِرے پیرایۂ اظہار پہ خاک

ایسی تلوار پہ خاک، اس سپہ سالار پہ خاک

سر قلم کر دے جو تاریخ کا، اس وار پہ خاک

وہ ہو بنگال کا جعفر، کہ دکن کا صادق 

یا کوئی اور ہو، ہر عہد کے غدار پہ خاک

اس قدر پھیل گیا ہے شب ہجراں کا سکوت

اس قدر پھیل گیا ہے شبِ ہجراں کا سکوت

بولتا ہے کئی لہجوں میں غمِ جاں کا سکوت

رہ نمائی مِری کرتی ہے تِری سرگوشی 

میرے اسبابِ سفر میں ہے بیاباں کا سکوت

یہ بھی پیرایۂ اظہارِ شکایت ہی تو ہے 

کوئی سمجھےتو سہی دیدۂ ویراں کاسکوت

آگ میں جلتا ہوا گھر دیکھ کر

آگ میں جلتا ہوا گھر دیکھ کر

چپ ہوں بربادی کا منظر دیکھ کر

روز چلاتی ہیں مجھ پر سلوٹیں

دنگ رہ جاتا ہوں بستر دیکھ کر

آئینے آپس میں ٹکرانے لگے

اک تِرے ہاتھوں میں پتھر دیکھ کر

غیرت گر اسلاف کا پندار کہاں ہے

غیرت گرِ اسلاف کا پِندار کہاں ہے

سر ہے تِرے شانوں پہ تو دستار کہاں ہے 

پسپائی ہوئی تیری، خود اپنی ہی حدوں میں

تجھ میں وہ جو تھا برسرِ پیکار، کہاں ہے 

اب سنگ اٹھائے ہوئے پھرتے سبھی عکس

آئینہ تو ہے، آئینہ بردار کہاں ہے 

دیوار کھڑی ہو گی کہیں خار ملیں گے

دیوار کھڑی ہو گی کہیں خار ملیں گے

منزل کے سبھی راستے دشوار ملیں گے

انسان کو جو اپنا خریدار بنا لیں

اب ایسے کھلونے سر بازار ملیں گے

طوفاں کے تھپیڑے ہمیں گم کر نہیں سکتے

ڈوبیں گے جو اِس پار تو اُس پار ملیں گے

رفتہ رفتہ ہوئے نظر انداز

رفتہ رفتہ ہوئے نظر انداز

ہم پہ جو لوگ تھے اثرانداز

بے نیازی سے دیکھنا اس کا

یہ بھی ہے ایک با ہنر انداز

دوستی میں یہ دشمنی کیسی

کوئی تو درمیاں ہے در انداز

جب کوئی حلقۂ اثر رکھنا

جب کوئی حلقۂ اثر رکھنا

اپنے ماحول پر نظر رکھنا

مستقل اب یہی ہنر رکھنا

کل کی بنیاد آج پر رکھنا

مِری یادیں سنبھال کر رکھنا 

راکھ کے ڈھیر میں شرر رکھنا

نام منصب مقام بیچ دیا

نام، منصب، مقام، بیچ دیا

جو بھی کچھ تھا تمام بیچ دیا

حاکمِ وقت چند سکوں میں 

تُو نے سارا نظام بیچ دیا

کیسا درویش تھا کہ اپنا سفر 

شاہ زادی کے نام بیچ دیا