اک میں ترے درباد میں اکثر نہیں آتا

 اک میں تِرے درباد میں اکثر نہیں آتا

آتا ہوں تو اس دن مِرا نمبر نہیں آتا

پہلے تو زرا ہنستا ہوں اس نام کو سن کر

فوراً ہی مِرے ذہن میں خنجر نہیں آتا

یارو مجھے اس چشمِ تغافل میں نہ ڈھونڈو

گھر کی کسی تصویر میں نوکر نہیں آتا

مجھے بھی عرش پہ رہنا ہے آن بان کے ساتھ

 مجھے بھی عرش پہ رہنا ہے آن بان کے ساتھ

میں کل خدا سے ملوں گا اسی بیان کے ساتھ

میں چیخ لیتا ہوں گھر میں بڑی سہولت سے

کوئی مکان نہیں ہے مِرے مکان کے ساتھ

ہماری پہلی محبت💞 تھا وہ زبان دراز

پھر اس کے بعد محبت ہوئی زبان کے ساتھ

کہیں تو ہو گا ہمارا بھی ہونے والا کوئی

 کہیں تو ہو گا ہمارا بھی ہونے والا کوئی

سو آج ڈھونڈنے نکلیں گے رونے والا کوئی

کچھ اس طرح سے مِرے دل کے ساتھ کھیلا گیا

میں خود کو لگنے لگا تھا کھلونے والا کوئی

سمیٹ رکھتا ہوں تب تک میں بارِ تنہائی

تم اتنی دیر میں لے آؤ ڈھونے والا کوئی

ناتواں ناساز مر جائیں گے کیا

 ناتواں، ناساز مر جائیں گے کیا

ہم نظر انداز مر جائیں گے کیا

ہم کسی تفصیل کے قابل نہیں

ہم سرِ آغاز مر جائیں گے کیا

ہاں، خدا کا رازداں ہوں مار دو

مارنے سے راز مر جائیں گے کیا

ایک دعا میں ہے مری ایک مری دعا ہے دوست

 ایک دعا میں ہے مِری، ایک مِری دعا ہے دوست

ایک تو تُو ہے باخدا، ایک مِرا خدا ہے دوست

شرم تو آئے گی اُسے، اُس کا دیا ہوا جو ہے

پوچھ رہا ہے زخم کا، دیکھ نہیں رہا ہے دوست

زخم دکھاؤں گا یا میں، زخم سناؤں گا تجھے

وقت بہت قلیل ہے، زخم بہت بڑا ہے دوست

اب ایسے شخص کے لیے کیا مشورہ رہے

 اب ایسے شخص کے لیے کیا مشورہ رہے

مجھ ایسے بے ضرر سے جسے مسئلہ رہے

میں سوچتا ہوں سب سے بہت کم ملا کروں

میں چاہتا ہوں سب سے مِرا رابطہ رہے

میں اک نئی ہوس کو متعارف کراؤں گا

کہ جس میں لمس بھی ہو مگر فاصلہ رہے