مے کدے کے سوا ملی ہے کہاں

میکدے کے سوا ملی ہے کہاں

اور دنیا میں روشنی ہے کہاں

آرزوؤں کا اک ہجوم سہی

فرصتِ شوق کھو گئی ہے کہاں

جتنے وارفتۂ سفر ہیں ہم

اتنی راہوں میں دلکشی ہے کہاں

ساز دے کے تاروں کو چھیڑ تو دیا تم نے

ساز دے کے تاروں کو چھیڑ تو دیا تم نے

ساز دل کے تاروں کی بات بھی سنی ہوتی

ہم جو شعلۂ جاں کی لو نہ تیز کر دیتے

آج غم کی راہوں میں کتنی تیرگی ہوتی

ان سے چھیڑ دیتے ہم رنگ و نور کی باتیں

داستانِ شوق اپنی خود ہی چھڑ گئی ہوتی

جب بھی شمع طرب جلائی ہے

جب بھی شمعِ طرب جلائی ہے

آنچ محرومیوں کی آئی ہے

راستے اتنے بیکراں تو نہ تھے

جستجو کتنی دور لائی ہے

زحمت جستجو سے کیا ہو گا

بوئے گل کس کے ہاتھ آئی ہے

نہ بت کدے میں نہ کعبے میں سر جھکانے سے

نہ بتکدے میں نہ کعبے میں سر جھکانے سے

سکوں ملا ہے تِری انجمن میں آنے سے

مِرے جنوں کو محبت سے دیکھنے والے

ذرا نگاہ بچائے ہوئے زمانے سے

میں مسکرا تو دیا ان کی بے نیازی پر

یہ کیا کہ دل پہ لگی چوٹ مسکرانے سے

غبار دل پہ بہت آ گیا ہے دھو لیں آج

غبار دل پہ بہت آ گیا ہے، دھو لیں آج

کھلی فضا میں کہیں دور جا کے رو لیں آج

دیارِ غیر میں اب دور تک ہے تنہائی

یہ اجنبی در و دیوار کچھ تو بولیں آج لیں آج

تمام عمر کی بیداریاں بھی سہہ لیں گے

ملی ہے چھاؤں تو بس ایک نیند سو لیں آج 

غم منزل نہ رہا ہو جیسے

غمِ منزل نہ رہا ہو جیسے

قافلہ ٹھہر گیا ہو جیسے

اس طرح بھولتے جاتے ہیں تجھے

سلسلہ ٹوٹ گیا ہو جیسے

دل سے آواز تو آتی ہے، مگر

کوئی درماندہ صدا ہو جیسے

تم ہو شاعر مری جان جیتے رہو

تم ہو شاعر مِری جان جیتے رہو 

شعر کہتے رہو، زہر پیتے رہو

سینۂ چاک ہی مشعلِ نور ہے

سینہ چاکو! اسی طرح جیتے رہو

رات جاگی ہوئی ہے، ہوا مہرباں

پھر یہ لمحے کہاں، آج پیتے رہو

تلخ گزرے کہ شادماں گزرے

تلخ گزرے کہ شادماں گزرے 

زندگی ہو تو کیوں گراں گزرے 

تھا جہاں مدتوں سے سناٹا 

ہم وہاں سے بھی نغمہ خواں گزرے 

مرحلے سخت تھے مگر ہم لوگ 

صورتِ موجۂ رواں گزرے 

ہمارے سامنے بے گانہ وار آؤ نہیں

ہمارے سامنے بیگانہ وار آؤ نہیں
نیازِ اہلِ محبت کو آزماؤ نہیں
ہمیں بھی اپنی تباہی پہ رنج ہوتا ہے
ہمارے حالِ پریشاں پر مسکراؤ نہیں
جو تار ٹوٹ گئے ہیں وہ چِھڑ نہیں سکتے
کرم کی آس نہ دو، بات کو بڑھاؤ نہیں

نا شگفتہ کلیوں میں شوق ہے تبسم کا

نا شگفتہ کلیوں میں شوق ہے تبسم کا
بار سہہ نہیں سکتیں دیر تک تلاطم کا
جانے کتنی فریادیں ڈھل رہی ہیں نغموں میں
چھِڑ رہی ہے دُکھ کی بات نام ہے ترنم کا
کتنے بے کراں دریا پار کر لیے ہم نے
موج موج میں جن کی زور تھا تلاطم کا