شہید عشق ہوئے قیس نامور کی طرح

 شہیدِ عشق ہوئے قیس نامور کی طرح

جہاں میں عیب بھی ہم نے کیے ہنر کی طرح

کچھ آج شام سے چہرہ فق ہے سحر کی طرح

ڈھلا ہی جاتا ہوں فرقت میں دوپہر کی طرح

سیاہ بختوں کو یوں باغ سے نکال اے چرخ

کہ چار پھول تو دامن میں ہوں سپر کی طرح

پاس رہ کر دیکھنا تیرا بڑا ارمان ہے

پاس رہ کر دیکھنا تیرا بڑا ارمان ہے

مجھ کو سب مشکل ہے پیارے تجھ کو سب آسان ہے

اے مِرے بدمست! مت کر تُو غزالوں کا شکار

لے نا میرے دل کو چکھ، یہ زور ہی بریان ہے

کیا دعا دیتے ہو میاں، جیتے رہو جیتے رہو

زندگانی تو نہیں انگریز کا زِندان ہے

جو ہم سے تو ملا کرے گا

جو ہم سے تُو ملا کرے گا

بندہ تجھ کو دعا کرے گا

بوسہ تو دے کبھو مری جان

مولا تیرا بھلا کرے گا

ہم تم بیٹھیں گے پاس مل کر

وہ دن بھی کبھو خدا کرے گا

اگر میں جانتا ہے عشق میں دھڑکا جدائی کا

اگر میں جانتا ہے عشق میں دھڑکا جدائی کا

تو جیتے جی نہ لیتا نام ہرگز آشنائی کا

جو عاشق صاف ہیں دل سے انہیں کو قتل کرتے ہیں

بڑا چرچا ہے معشوقوں میں عاشق آزمائی کا

کروں اک پل میں برہم کارخانے کو محبت کے

اگر عالم میں شہرہ دوں تمہاری بے وفائی کا

ملنے کی تیرے دل میں ہیں گی ہوائیں کیا کیا

ملنے کی تیرے دل میں ہیں گی ہوائیں کیا کیا

مانگی ہیں تیرے حق میں حق سے دعائیں کیا کیا

دکھ درد ٹیس جلنا رہ رہ کے پھر لپکنا

پھوڑا ہے دل نہیں ہے تجھ کو سنائیں کیا کیا

خوفِ رقیب و حسرت عجز و نیاز و منت

جیوڑے پہ یہ اذیت آفت اٹھائیں کیا کیا

لخت جگر جو آنکھ سے نکلے اٹک اٹک

لختِ جگر جو آنکھ سے نکلے اٹک اٹک

بے چین کر دیا مِرے دل کو کھٹک کھٹک

میری بھی مشتِ خاک کا ٹک پاس ہے ضرور

اے جامہ زیب! چلیو نہ دامن جھٹک جھٹک

یہ ناز اور کرشمہ کہاں ہے تدرو میں

چلتا ہے جس ادا سے وہ پیارا لٹک لٹک

اہل ایماں سوز کو کہتے ہیں کافر ہو گیا

اہلِ ایماں سوز کو کہتے ہیں کافر ہو گیا

آہ یا رب! رازِ دل ان پر بھی ظاہر ہو گیا

میں نے جانا تھا صحیفہ عشق کا ہے میرے نام

واہ، یہ دیوان بھی نقلِ دفاتر ہو گیا

ناصحا! بے زار دل سوزی سے تیری دور ہو

دل کو کیا روتا ہے لے جی بھی مسافر ہو گیا

دین و کفر آنکھوں نے تری کر دیا اے یار مست

دِین و کفر آنکھوں نے تیری کر دیا اے یار مست

صاحبِ تسبیح مست، صاحبِ زنار مست

چشم و ابرو کو تِرے یوں دیکھ کر کہتی ہے خلق

تل رہے ہیں کھینچ کر آپس میں دو تلوار مست

جامِ گل نے کھو دیا ہے باغباں کا اب کے ہوش

نغمۂ بلبل سے گلشن کے در و دیوار مست

افسوس تم اوروں کو ملو رات کو تنہا

افسوس تم اوروں کو ملو رات کو تنہا

ہم دن کو ترستے ہیں ملاقات کو تنہا

نے دل ہے نہ تُو ہے نہ کوئی مونس و ہمدم

کھوتے ہیں عبث اپنی ہم اوقات کو تنہا

اللہ اکیلا جو ملے مجھ کو تو سمجھو

پایا میں نہیں ناصحِ بدذات کو تنہا

شعلہ حسن سے دل کا مرے کاشانہ جلا

شعلۂ حسن سے دل کا مِرے کاشانہ جلا

آہ کیا آگ تھی جس سے یہ صنم خانہ جلا

نالے کا اس دل دیوانہ کو مت کر سرگرم

دیوے گا بھر کے دم سرد یہ ویرانہ جلا

رحم آیا نہ تجھے یار مِرے جلنے پر

آہ اپنی سے جلی شمع جو پروانہ جلا

میں تو غبار دل کا یکبار دھو کے آیا

میں تو غبار دل کا یک بار دھو کے آیا

کوچے میں خوبرو کے کل خوب رو کے آیا

کیوں طفلِ اشک میں نے آنکھوں میں تجھ کو پالا

اس پر بھی میرے منہ پر یوں گرم ہو کے آیا

مژگاں کی تیری نوکیں آلودہ ہیں لہو میں

ظالم نگاہ کس کے دل میں گڑو کے آیا

جس کا تجھ سا حبیب ہووے گا

جس کا تجھ سا حبیب ہووے گا

کون اس کا رقیب ہووے گا

بے وطن، بے رفیق، بے اسباب

کون ایسا غریب ہووے گا

دردِ دل کی دوا ہو جس کے پاس

کوئی ایسا طبیب ہووے گا