اب کے بار پت جھڑ بھی ہے جمال کا موسم

 اب کے بار پت جھڑ بھی ہے جمال کا موسم

آنسوؤں میں کھویا ہے پھر وصال کا موسم

رنگ تیرے گالوں کا زرد دیکھ کے اترا

دل پذیر بستی میں پھر ملال کا موسم

آہ بھرتی چلتی ہے اور کتنی آزردہ

ہے صبا خراماں پر زرد شال کا موسم

جس سے کبھی ملا وہی دل سے اتر گیا

 جس سے کبھی ملا وہی دل سے اتر گیا

کیسا نصیب تھا مِرا، کیسے بگڑ گیا

پچھلی گلی سے آئی تھی آواز رات کو

جانے وہ کون شخص تھا جانے کدھر گیا

مدت کے بعد جھونکا ہوا کا ہوا نصیب

آیا تھا جس طرح سے وہ ویسے گزر گیا

عشق ممکن ہی نہیں دل سے بھلایا جا سکے

 عشق ممکن ہی نہیں دل سے بھلایا جا سکے

روگ جو دل کو لگا ہے وہ مٹایا جا سکے

رینگتی ہے شام ڈھلتے سائے دن کے دیکھ کر

رات لے آئی ہے غم کو کیا بتایا جا سکے

پھر مجھے تنہائی ہی ڈستی رہے گی رات بھر

صبح جب ہو گی تو ہو گی کیسے لایا جا سکے

اس گلی سے جو گیا تھا لوٹ کے آیا نہیں

 اس گلی سے جو گیا تھا لوٹ کے آیا نہیں

اک مہک جھونکا ہوا کا لوٹ کے آیا نہیں

بوندیوں کے راگ میں ڈوبی گلی ہے آج بھی

سحر سے کوئی نہ نکلا لوٹ کے آیا نہیں

طلسم ایسا تھا کہ سب کو کھینچ لیتی تھی گلی

اب وہ جادو نہ رہا، یا لوٹ کے آیا نہیں

آؤ پھر ذکر فراق یار میں کھو جائیں ہم

 آؤ پھر ذکر فراق یار میں کھو جائیں ہم

تم ذرا سا گنگناؤ اور بس سو جائیں ہم

چاند نکلے آسماں پہ چاندنی بدمست ہو

بن پیۓ ہی مست خمرِ یار سے ہو جائیں ہم

چاندنی میں کھوئے رستے جس طرح الجھے سوال

در، مکاں اور کھڑکیوں کے خواب نہ بو جائیں ہم

کبھی تتلی کے پر شمع کی لو میں خاکستر دیکھے

 کبھی تتلی کے پر

شمع کی لو میں

خاکستر دیکھے؟

جنون عشق میں

کیا طائرِ شب کو

کبھی دم توڑتے دیکھا؟

چلی ہوا تو کوئی یاد آ گیا پھر سے

چلی ہوا تو کوئی یاد آ گیا پھر سے

اڑی جو خاک تو آنسو رلا گیا پھر سے

ہوا کی طرح لہکتا تھا صحن گلشن میں

مہکتے سانس کو جھونکا بنا گیا پھر سے

ہر ایک دل میں تھا روشن چراغِ جاں کی طرح

ہُوا یہ کیا کہ دِئیے سب بجھا گیا پھر سے

محبتیں تھیں عجب دلنشیں فسانے تھے

محبتیں تھیں عجب دل نشیں فسانے تھے

تمہارے شہر کے موسم سبھی سہانے تھے

یہ اور بات کہ میں قیس تھا، نہ رانجھا تھا

ملے جو راہ میں عاشق سبھی دیوانے تھے

جسے بھی دیکھا وہ زلفِ حسین کا تھا اسیر

سنے تھے جتنے بھی قصے سبھی پرانے تھے

صبح خزاں ہوئی تو چلی سرد سی ہوا

صبحِ خزاں ہوئی تو چلی سرد سی ہوا

گہری اداس صبح میں وہ زرد سی ہوا

بادل کا رنگ نیلے فلک پہ اڑان میں

اور ملگجی دوپہر میں وہ درد سی ہوا

چلتی رہی تمام دن آبادیوں میں پھر 

فصل خزاں میں جھومتی اک گرد سی ہوا

وہ عہد وفا قربتوں کے خواب کیا ہوئے

وہ عہدِ وفا قربتوں کے خواب کیا ہوئے 

تشکیل جو کئے تھے وہ نصاب کیا ہوئے

ہم مل کے بدل ڈالیں گے یہ دورِ ستمگر 

نہ وہ زماں مکاں رہا، اسباب کیا ہوئے

مر مٹنے کے وعدوں کو ہوا لے گئی کہاں 

سودا ہے تیل نون کا احباب کیا ہوئے

بکھرے ہوئے سامان میں کیا ڈھونڈ رہا ہوں

بکھرے ہوئے سامان میں کیا ڈھونڈ رہا ہوں 

جو تم نے دیا عہدِ وفا ڈھونڈ رہا ہوں

ملتا ہی نہیں باد اڑا لے گئی سب کچھ 

اب بعد میں یہ کس کی ادا ڈھونڈ رہا ہوں

بس ایک مہک تیرے بدن کی رہی باقی 

شاید اسی خوشبو کو سدا ڈھونڈ رہا ہوں

خوف کی علامت ہے رات کا سوا ہونا

خوف کی علامت ہے رات کا سوا ہونا

اس لئے تو لازم ہے ہاتھ میں دِیا ہونا

تیری یاد سے غافل کس طرح بھلا ممکن

جب تلک ہے تن پہ سر سانس کا روا ہونا

حاجتیں ضروری ہیں زندگی کے دامن میں

زندگی میں لازم ہے زندہ و بقا ہونا

آؤ پھر مل کے خواب ہو جائیں

آؤ پھر مل کے خواب ہو جائیں

دشت میں اک سراب ہو جائیں

جیسے بہتی تھی آگ پانی میں 

ایسے مثلِ حباب ہو جائیں

پھر ہوا ڈھونڈتی پھرے ہم کو 

پا سکے نہ حجاب ہو جائیں

آیا ترا خیال تو لب مثل گل ہلے

آیا تِرا خیال تو لب مثلِ گل ہِلے

آہٹ ہوئی تو ایسے لگا جیسے دل ہلے

سوچا تجهے تو حسن کا بہتا ہوا دریا

دیکها تو وقت جیسے رکا اور پَل ہلے

رستے میں دیکهنے کو مناظر کی انتہا

لیکن تِرے خیال سے ہرگز نہ دل ہلے

یقین آتا نہیں کیسے ہو گئے مٹی

یقین آتا نہیں کیسے ہو گئے مٹی 

ہوا نے درد سمیٹا تو بو گئے مٹی

صبح کا اسمِ حسیں تھے حسین سحر تم 

ڈھلی دوپہر ہوئی شام سو گئے مٹی

سپردِ خاک ہوئے تھے جہاں ادائے شہر 

پڑی جو قلب پہ تم نذر ہو گئے مٹی

شام پھر صحن میں اتر آئی

شام پھر صحن میں اتر آئی

بام و در سے اداسی گھر آئی

کیسے گزرا تھا سوچ کے یہ دن 

کس طرح چھپ کے شب سنور آئی

گم ہوئے کیسے دن میں خد و خال 

رات میں نکھرے جب وہ در آئی

شام کو صبح کا خیال ہوا

شام کو صبح کا خیال ہوا 

یاد کیا آ گیا،۔۔ ملال ہوا

رنگ میں ڈوبے ہوئے دن کیسے

ذہن میں وہ ہی رو جمال ہوا

فصلِ گل میں جمال یار نے بھی

آگ بھڑکائی جب نہال ہوا

ہمیں لکھنے کی مہلت ہی کہاں ہو گی

ہمیں لکھنے کی مہلت ہی کہاں ہو گی

محبت اس لمحے ہو گی، کہاں ہو گی

کتابوں میں رکھے جب پھول مہکیں گے 

تو خوشبو اصل پھولوں کی کہاں ہو گی

نہ جانے وقت وہ دن کون سا ہو گا 

وہ عشق و ہجر بے تابی کہاں ہو گی

تمہیں دیکھ کے یہ گماں ہوا

تمہیں دیکھ کے یہ گماں ہوا 
دھواں ہوئی
کسی عمر میں
کبھی اس سے پہلے
ملے تھے ہم
کسی شہر میں

بارشوں کے موسم میں یاد پھر تری آئی

بارشوں کے موسم میں 

یاد پھر تِری آئی

جیسے اک اداسی کی 

لہر نے مجھے گھیرا 

اور گھٹا جو برسی تو

آنکھ پھر سے بھر آئی

انور زاہدی