بکواس کو جانے دے نہ اتنا بھی بکے جا

بکواس کو جانے دے نہ اتنا بھی بکے جا

ناصح تری بک بک سے تو بس پک گیا بھیجا

اس عارض تاباں کے تپِ رشک سے خورشید

تپنا تری قسمت میں ہے ہر روز تپے جا

اب دیکھیے کیا ہوتا ہے تقدیر کا لکھا

خط لکھ کے تو ہم نے بتِ نو خط کو ہے بھیجا

لوگ کہتے ہیں کہ وہ تم سے قریں رہتے ہیں

لوگ کہتے ہیں کہ وہ تم سے قریں رہتے ہیں

واہ ری بے خبری! ہم بھی یہیں رہتے ہیں

رہتے اک جا نہیں آوارہ تِرے جوں خورشید

صبح رہتے ہیں کہیں، شام کہیں رہتے ہیں

جلوہ دکھلاوے کبھی اپنا اٹھا کر پردہ

تیرے مشتاق ہم اے پردہ نشیں رہتے ہیں

دل اپنا اس پہ جو شیدا ہوا تو ایسا ہوا

دل اپنا اس پہ جو شیدا ہوا تو ایسا ہوا

سنا ہر اک نے یہ چرچا ہوا تو ایسا ہوا

رہا کھٹکتا رقیبوں کی آنکھوں میں عاشق

اگر وہ سوکھ کے کانٹا ہوا تو ایسا ہوا

دیا دم ایسا کہ دم ہی نکل گیا دم میں

وہ میرے حق میں مسیحا ہوا تو ایسا ہوا

درد فرقت ہے نہ ہاں منہ سے نہ ہوں نکلے ہے

دردِ فرقت ہے نہ ہاں منہ سے نہ ہوں نکلے ہے

آہ کے ساتھ جگر سے مِرے خوں نکلے ہے

سر ہتھیلی پہ دھرے پھرتے ہیں اس دم عاشق

لے بکف تیغ جو وہ کھا کے جنوں نکلے ہے

ایک عالم کے کیا اس نے ہے دل کو تسخیر

آہ کیا جادو یہ کیا چڑھ کے فسوں نکلے ہے

ہمارا اور عالم ہم کو اس عالم سے کیا مطلب​

ہمارا اور عالم ہم کو اس عالم سے کیا مطلب​

کسی سے کیا غرض ہم کو کسی کو ہم سے کیا مطلب​

تماشے سب جہاں کے ہم نے دیکھے ساغرِ مے میں​

قسم آنکھوں کی ساقی ہم کو جامِ جَم سے کیا مطلب​

جراحت میں مِرے کچھ نون مرچیں پیس کر بھر دو​

کہ ہے یہ زخم عاشق کا اسے مرہم سے کیا مطلب​

اسے یاروں نے میرا رقعہ جا کر دے دیا ہوتا

اسے یاروں نے میرا رقعہ جا کر دے دیا ہوتا

کھُلا گر دے نہ سکتے تھے چھپا کر دے دیا ہوتا

بگڑ جاتا تِرا کیا، سرخرو میں سب میں ہو جاتا

مجھے اک پان تو تُو نے بنا کر دے دیا ہوتا

نہ ہوتے مجھ سے تم سینہ بہ سینہ ہو کے ہمبستر

پر اک بوسہ تو منہ سے منہ بھڑا کر دے دیا ہوتا

بھلا ہے گر ہوس عشق بو الہوس نہ کرے

بھلا ہے گر ہوسِ عشق بو الہوس نہ کرے

کہ جو پتنگ کا ہے کام وہ مگس نہ کرے

نہیں ہے طاقتِ پرواز آہ، اے صیاد

خدا کرے کہ تُو اب وا درِ قفس نہ کرے

دواں ہے قافلۂ اشک سوئے ملکِ عدم

فغاں نہ کیونکہ یہ دل صورتِ جرس نہ کرے

اس جہاں میں آ کے ہم کیا کر چلے

اس جہاں میں آ کے ہم کیا کر چلے

بارِ عصیاں سر پہ اپنے دھر چلے

تُو نہ آیا اے مسیحا دم یہاں

ہم اسی حسرت میں آخر مر چلے

اس گلی میں ہم تو کیا خورشید بھی 

ڈر کے مارے کانپتا تھر تھر چلے

میں ہوں عاصی کہ پر خطا کچھ ہوں

میں ہوں عاصی کہ پُر خطا، کچھ ہوں

تیرا بندہ ہوں اے خدا کچھ ہوں

جزو کل کو نہیں سمجھتا میں

دل میں تھوڑا سا جانتا کچھ ہوں

تجھ سے الفت نباہتا ہوں میں

با وفا ہوں کہ بے وفا کچھ ہوں

یار کی کوئی خبر لاتا نہیں

یار کی کوئی خبر لاتا نہیں

دم لبوں پر ہے نکل جاتا نہیں

جی میں آتا ہے کہ میں سجدہ کروں

بے نمازی ہوں، جھکا جاتا نہیں

یا الہٰی کون سی منزل ہے وہ

جو گیا، واپس ادھر آتا نہیں

روز ہے اک غم نیا میرے دل غمناک میں

روز ہے اک غم نیا میرے دل غمناک میں

روز ہے اک درد تازہ سینۂ صد چاک میں

تیرا صید بستہ فتراک کھل کر رہ گیا

رہ گیا لوہو کا دھبہ دامنِ فتراک میں

اشک خوں مژگاں سے ہیں اس طرح سے لپٹے ہوئے

لگ رہی جس طرح ہو آتش خش و خاشاک میں

مژدہ اے دل کہ مرے پاس وہ یار آوے گا​

مژدہ اے دل کہ مِرے پاس وہ یار آوے گا​

خاکِ راہ اس کی بنوں گا وہ سوار آوے گا​

اس لیے صید گہِ عشق میں ہم صید بنے​

کہ کبھی صید فگن بہرِ شکار آوے گا​

دیکھ اے دل تُو نہ پی جامِ محبت کی شراب​

بے مزہ ہووے گا، جس وقت خمار آوے گا​

نباہ بات کا اس حیلہ گر سے کچھ نہ ہوا

 نباہ بات کا اس حیلہ گر سے کچھ نہ ہوا

ادھر سے کیا نہ ہوا پر ادھر سے کچھ نہ ہوا

جواب صاف تو لاتا اگر نہ لاتا خط

لکھا نصیب کا جو نامہ بر سے کچھ نہ ہوا

ہمیشہ فتنے ہی برپا کیے مِرے سر پر

ہوا یہ اور تو اس فتنہ گر سے کچھ نہ ہوا

عجب روش سے انہیں ہم گلے لگا کے ہنسے

عجب روِش سے انہیں ہم گلے لگا کے ہنسے

کہ گُل تمام گلستاں میں کھِلکھِلا کے ہنسے

جنہیں ہے شرم وحیا اس ہنسی پہ روتے ہیں 

وہ بے حیا ہے ہنسی پر جو بے حیا کے ہنسے

غم و الم مِرا ان کی خوشی کا باعث ہے

کہ جب ہنسے وہ مجھے خوب سا رلا کے ہنسے

گلشن میں جب ادا سے وہ رنگیں ادا ہنسے

گلشن میں جب ادا سے وہ رنگیں ادا ہنسے 

غنچے کا منہ ہے کیا کہ جو پھر اے صبا ہنسے

دیوانے کو نہیں تِرے پروا، کہ اے پری

دیوانگی پہ میری کوئی روئے یا ہنسے

روئے غمِ فِراق میں برسوں ہم، اے فلک 

گر وصل کی خوشی میں کبھی اِک ذرا ہنسے

کافر تجھے اللّٰہ نے صورت تو پری دی

کافر تجھے اللّٰہ نے صورت تو پری دی

پر حیف تِرے دل میں محبت نہ ذری دی

دی تُو نے مجھے سلطنتِ بحر و بر اے عشق

ہونٹوں کو جو خشکی مِری آنکھوں کو تَری دی

خالِ لبِ شیریں کا دیا بوسہ کب اس نے

اِک چاٹ لگانے کو مِرے نیشکری دی

صبح رو رو کے شام ہوتی ہے

صبح رو رو کے شام ہوتی ہے

شب تڑپ کر تمام ہوتی ہے

سامنے چشمِ مستِ ساقی کے

کس کو پروائے جام ہوتی ہے

کوئی غنچہ کھلا کے بلبل کو

بے کلی زیرِ دام ہوتی ہے

طلب ہیں عشق بتاں میں جو آبرو کرتے

طلب ہیں عشقِ بتاں میں جو آبرو کرتے

ظفر ہیں آگ سے پانی کی آرزو کرتے

اشارا اپنے جو ابرو کا وہ کبھو کرتے

ملک فلک سے پئے سجدہ سر فرو کرتے

نمازِ عشق میں جب ہم ہیں سر فرو کرتے

تو آبِ اشک سے سو بار ہیں وضو کرتے

کبھی بن سنور کے جو آ گئے تو بہار حسن دکھا گئے

کبھی بن سنور کے جو آ گئے تو بہارِ حسن دِکھا گئے

میرے دل کو داغ لگا گئے، یہ نیا شگوفہ کھِلا گئے

کوئی کیوں کسی کا لبھائے دل، کوئی کیوں کسی سے لگائے دل

وہ جو بیچتے تھے دوائے دل،۔ وہ دکان اپنی بڑھا گئے 

مِرے پاس آتے تھے دم بدم، وہ جدا نہ ہوتے تھے ایک دم

یہ دکھایا چرخ نے کیا ستم، کہ مجھی سے آنکھیں چرا گئے

مری جانب سے غیروں نے لگایا کچھ نہ کچھ ہو گا

مِری جانب سے غیروں نے لگایا کچھ نہ کچھ ہو گا

نہ آیا وہ تو اس کے دل میں آیا کچھ نہ کچھ ہو گا

تِری تیغِ ستم کے جو مزے سے زخم کھاتے ہیں

مزا ان کو محبت نے چکھایا کچھ نہ کچھ ہو گا 

خبر جب لائی ہو گی اس گلِ خنداں کے آنے کی

تو گلشن میں صبا نے گُل کھلایا کچھ نہ کچھ ہو گا