ایک منظر میں کئی بار اسے دیکھ کے دیکھ

 ایک منظر میں کئی بار اسے دیکھ کے دیکھ 

دیکھنا ہے تو لگاتار اسے دیکھ کے دیکھ 

کوئی سورج سے ملا پاتا ہے کب تک آنکھیں 

پھر بھی اک بار لگاتار اسے دیکھ کے دیکھ 

یہ کھلی آنکھ کا منظر ہی نہیں ہے مِری جاں 

بند آنکھوں سے بھی اک بار اسے دیکھ کے دیکھ 

اک آب سرخ ہے اس سے زیادہ کچھ بھی نہیں

 اک آب سرخ ہے اس سے زیادہ کچھ بھی نہیں

لہو کہ بہتا ہے، کرتا کراتا کچھ بھی نہیں

بس اس قدر ہے کہ شاید خلاصہ کچھ بھی نہیں

ہمارا اپنا تعارف لہٰذا کچھ بھی نہیں

یہ کارگاہِ ہوس ہے یہاں پہ ہجر و وصال

فریبِ عشق ہے اس کے علاوہ کچھ بھی نہیں

سانحے لاکھ سہی ہم پہ گزرنے والے

 سانحے لاکھ سہی ہم پہ گزرنے والے

راستو! ہم بھی نہیں ڈر کے ٹھہرنے والے

مارنے والے کوئی اور سبب ڈھونڈ کہ ہم

مارے جانے کے تو ڈر سے نہیں مرنے والے

کتنی جلدی میں ہوا ختم ملاقات کا وقت

ورنہ کیا کیا تھے سوالات نہ کرنے والے

کتاب ہجر میں اک خواب نارسا کی طرح

 کتاب ہجر میں اک خوابِ نا رسا کی طرح

مجھے بھی لکھے کوئی جون فارہہ کی طرح

بھلے یہ ہاتھ بندھے ہیں مگر یہ کاجل ہے

سو پھیل جاتا ہے اک کاسۂ گدا کی طرح

وہ مجھ سے ملتا تھا ہر بار اپنی شرطوں پر

کبھی خطا کی طرح اور کبھی سزا کی طرح

ابر ہی ابر ہے برستا نئیں

 ابر ہی ابر ہے، برستا نئیں

اب کے ساون تمہارے جیسا نئیں

خواب اور سینت کر رکھیں آنکھیں

ان سے آنسو تو اک سنبھلتا نئیں

گھومتی ہے زمین گرد مِرے

پاؤں اٹھتے ہیں رقص ہوتا نئیں

کوئی کہکشاں کہکشاں گھومتا ہے

 کوئی کہکشاں کہکشاں گھومتا ہے

کوئی در بدر رائیگاں گھومتا ہے

یہ کیسا نشہ ہے محبت کا تیری

میں ساکت کھڑی ہوں، جہاں گھومتا ہے

یہ ساحل بہت ہے ہمیں ڈوبنے کو

سمندر یونہی بد گماں گھومتا ہے

کوئی انہیں آواز نہ دینا اب کی بار کنارے سے

کوئی انہیں آواز نہ دینا اب کی بار کنارے سے

‎دریا واپس لوٹ رہے ہیں اپنے اپنے دھارے سے

‎چاند نے آنکھ مچولی کھیلی پہروں ایک ستارے سے

‎رات شرارت کرنے اتری سورج کے چوبارے سے

‎کبھی کبھی تو زخمی کرنیں ایسے مجھ تک آتی ہیں

‎جیسے کوئی کاٹ رہا ہو روشنیوں کو آرے سے

کوئی تارہ فلک پہ ٹوٹ گیا

 کوئی تارہ فلک پہ ٹوٹ گیا

پھر کسی کا نصیب پھوٹ گیا

کانچ سا ہے ترا بھروسہ بھی 

شک کی آہٹ ہوئی کہ ٹوٹ گیا

بھیڑ اتنی ہے میرے چاروں طرف

مجھ سے اپنا بھی ہاتھ چھوٹ گیا

ہوا کے دوش پہ اڑتے ہوئے غبارے لوگ

 ہوا کے دوش پہ اڑتے ہوئے غبارے لوگ

گھمنڈ کرتے ہیں کس بات پر یہ سارے لوگ

تعلقات میں کچھ احتیاط لازم ہے

ہمارے آپ کے جیسے نہیں ہیں سارے لوگ

یہ فیصلہ بھی مِرے ہی خلاف ہونا تھا

مِرے ہی نام پہ اک ساتھ کیوں پکارے لوگ

کتاب ہجر میں اک حرف نارسا کی طرح

کتابِ ہجر میں اک حرفِ نارسا کی طرح

مجھے بھی لکھے کوئی جون، فارہہ کی طرح

بھلے یہ ہاتھ بندھے ہیں، مگر یہ کاجل ہے

سو پھیل جاتا ہے اک کاسۂ گدا کی طرح

وہ مجھ سے ملتا تھا ہر بار اپنی شرطوں پر

کبھی خطا کی طرح اور کبھی سزا کی طرح

آنسو سارے زخم پرانے دھو سکتا ہے

آنسو سارے زخم پرانے دھو سکتا ہے

پانی ہی پانی کے جیسا ہو سکتا ہے

اِن آنکھوں کی گہرائ سے ڈر جاتی ہوں

کاجل بھی آنکھوں میں جا کر کھو سکتا ہے

رات کو دیکھا خواب کئی تھے خواب کے اندر

خواب میں کوئی کتنے خواب سمو سکتا ہے

کوئی شکوہ مجھے تقدیر سے بیجا نہیں تھا

کوئی شکوہ مجھے تقدیر سے بیجا نہیں تھا

وہ میرا ہو بھی سکتا تھا مگر میرا نہیں تھا

مِرا ثابت قدم رہنا ضروری ہو گیا تھا 

مِرے چاروں طرف کوئی مِرے جیسا نہیں تھا

اسی اک سمت جاتے تھے سبھی رستے ہمارے

اسی اک سمت جانے کو مگر رستہ نہیں تھا

نہ کبھی تھی نہ پھر کبھی ٹھہری

نہ کبھی تھی نہ پھر کبھی ٹھہری

بات جو تھی مگر وہی ٹھہری

مجھ کو سمجھا رہے تھے فرزانے

اور میں ایک سر پھِری ٹھہری

جیسے جھرنا ہو گیت گاتا ہوا

میرا بچپن وہی ہنسی ٹھہری

ضد نہ ہٹ دھرمیوں کی قائل ہوں

ضد نہ ہٹ دھرمیوں کی قائل ہوں

اپنے ہی درمیان حائل ہوں

اک پرندہ ہوں میں خزاں رُت کا

اس لیے واپسی پہ مائل ہوں

بس یونہی درد سے ملا لی آنکھ

کون کہتا ہے غم سے گھائل ہوں

ایک پرچھائیں کا سہارا تھا

ایک پرچھائیں کا سہارا تھا

اور پندار پر گزارا تھا

اب بہت مطمئن ہے میرا دل

کوئی مجھ میں مجھی سے ہارا تھا

لوگ زندہ تھے داستانوں میں

اور مجھے ان کہی نے مارا تھا

جھاڑی جو خاک یاد میں لپٹے کھنڈر ملے

جھاڑی جو خاک یاد میں لپٹے کھنڈر مِلے

اور چند خستہ حال کتابوں میں پر ملے

جب بھی کیا سوال تو لوٹی ہوں نامراد

کہنے کو جو بھی لوگ ملے با اثر ملے

وحشت کدہ کا راستہ سنسان ہے بہت

پتھر اٹھا کے بیٹھی ہوں کب سے کہ سر ملے

صبح ازل سے شام ابد تک آنا جانا ہوتا ہے

صبحِ ازل سے شامِ ابد تک آنا جانا ہوتا ہے

منزل تک جانے کا رستہ کس نے پانا ہوتا ہے

میں اک عورت ہوں، گھر بھر کی ذمہ داری ہے میری

مردوں کو تو کام بڑے ہیں، چاند پہ جانا ہوتا ہے

میری باری میں ہی قسمت کیوں کرتی ہے من مانی

ہونے کو تو جو ہوتا ہے ایک بہانہ ہوتا ہے

کسی کے بعد کسی اور کی کمی نہ رہے

کسی کے بعد کسی اور کی کمی نہ رہے

شرابِ ہجر پئیں، اور تشنگی نہ رہے

وه چاند چھت پہ اتر آئے وقت سے پہلے 

یہ زرد شام بھی دیوار پر ٹکی نہ رہے

زمین زادوں کے بس دل رہیں ٹھکانوں پر

قیامت آئے تو امکانِ ابتری نہ رہے

دل آشفتگاں سے کھیلتے ہیں

دلِ آشفتگاں سے کھیلتے ہیں 

مکیں ہیں اور مکاں سے کھیلتے ہیں 

مکاں اور لا مکاں کے درمیان کو 

ہٹا کر درمیاں سے کھیلتے ہیں 

چلو مٹی بھی ہو جائیں گے اک دن 

ابھی تو آسماں سے کھیلتے ہیں 

وحشت کدے کی سمت بلانے لگے مجھے

وحشت کدے کی سمت بلانے لگے مجھے

کچھ روگ اپنے آپ ہی کھانے لگے مجھے

بس اک ذرا جلایا تھا ادراک کا دِیا

سارے چراغ مِل کے بجھانے لگے مجھے

میں نے تو بس جبِین ہی رکھی تھی فرش پہ

سب کیوں سمجھ کے خاک اڑانے لگے مجھے