اگر ان کو ہے بھروسہ کہ ہے ساتھ اک زمانہ

 اگر ان کو ہے بھروسہ کہ ہے ساتھ اک زمانہ

تو ہمیں بھی ہے خدا سے رہ و رسمِ غائبانہ

مِری سرگزشت سن کر، جو کہا تو صرف اتنا

وہی کوہ کن کا قصہ وہی قیس کا فسانہ

یہاں دعویٔ زباں کیا، سرِ نالہ و فغاں کیا 

ہی نفس کی آمد و شد مجھے آہ کا بہانہ

دن ہو کہ رات کنج قفس ہو کہ صحن باغ

دن ہو کہ رات کنج قفس ہو کہ صحن باغ

آلام روزگار سے حاصل نہیں فراغ

رغبت کسے کہ لیجیے عیش و طرب کا نام

فرصت کہاں کہ کیجیے صہبا سے پر ایاغ

ویرانۂ حیات میں آسودہ خاطری

کس کو ملا اس آہوئے رم خوردہ کا سراغ

فرش سے تا عرش سارے زمانے آپ کے

 فرش سے تا عرش سارے زمانے آپﷺ کے

ساری دنیاؤں کے ہیں مخفی خزانے آپ کے

اک طرف صدیقِ اکبر اک طرف روح الامینؑ

ہمسفر کیا کیا بنائے ہیں خدا نے آپ کے

ذرہ ذرہ آپ کی سچی رسالت کا گواہ

ذرے ذرے کی زباں پر ہیں ترانے آپ کے

موسم کا آہ و نالہ سے اندازہ کیجئے

موسم کا آہ و نالہ سے اندازہ کیجئے

تازہ ہوا پہ بند نہ دروازہ کیجئے 

یا چھیڑیئے نہ منظرِ نادیدنی کا ذکر

یا مثلِ آفتاب بہم غازہ کیجئے

یا لب پہ لائیے نہ پریشانیوں کی بات

یا جمع بیٹھ کر کبھی شیرازہ کیجئے

جائے خرد نہیں ہے کہ فرزانہ چاہئے

جائے خرد نہیں ہے کہ فرزانہ چاہیے

ہُو کا مقام ہے، کوئی دیوانہ چاہیے

ہے اس میں قید شہر نہ ویرانہ

بہرِ فراغ طبعِ فقیرانہ چاہیے

گنجائشِ تصور یک لفظ بھی نہیں

یاں ہر کسی کے واسطے افسانہ چاہیے

نہیں نام و نشاں سائے کا لیکن یار بیٹھے ہیں

نہیں نام و نشاں سائے کا لیکن یار بیٹھے ہیں

اگے شاید زمیں سے خود بخود دیوار بیٹھے ہیں

سوار کشتئ امواجِ دل ہیں،۔ اور غافل ہیں

سمجھتے ہیں کہ ہم دریائے غم کے پار بیٹھے ہیں

اجاڑ ایسی نہ تھی دنیا، ابھی کل تک یہ عالم تھا

یہاں دو چار بیٹھے ہیں وہاں دو چار بیٹھے ہیں

دکھی دلوں کے لیے تازیانہ رکھتا ہے

دکھی دلوں کے لیے تازیانہ رکھتا ہے

ہر ایک شخص یہاں اک فسانہ رکھتا ہے

کسی بھی حال میں راضی نہیں ہے دل اپنا

ہر اک طرح کا یہ کافر بہانہ رکھتا ہے

ازل سے ڈھنگ ہیں دل کے عجیب سے، شاید

کسی سے رسم و رہِ غائبانہ رکھتا ہے

جہاں تک گیا کاروان خیال

جہاں تک گیا کاروانِ خیال 

نہ تھا کچھ بجز حسرتِ پائمال

مجھے تیرا تجھ کو ہے میرا خیال 

مگر زندگی پھر بھی ہے خستہ حال

جہاں تک ہے دَیر وحرم کا سوال

رہیں چپ تو مشکل، کہیں تو محال

ہے جو تاثیر سی فغاں میں ابھی

ہے جو تاثیر سی فغاں میں ابھی

لوگ باقی ہیں اس جہاں میں ابھی

دل سے اٹھتا ہے صبح و شام دھواں

کوئی رہتا ہے اس مکاں میں ابھی

ساتھ ہے ایک عمر کا، لیکن

کشمکش سی ہے جسم و جاں میں ابھی

ہے واقعہ کچھ اور روایت کچھ اور ہے

ہے واقعہ کچھ اور روایت کچھ اور ہے

یاروں کو یعنی ہم سے شکایت کچھ اور ہے

سمجھی گئی جو بات ہماری غلط تو کیا

یاں ترجمہ کچھ ہے آیت کچھ اور ہے

کچھ کم نہیں بلا سے خلافت زمین کی بھی

یا رب! مِری سزا میں رعایت کچھ اور ہے

ہم سے بات میں پیچ نہ ڈال

ہم سے بات میں پیچ نہ ڈال

یوں مت دل کے چور نکال

مرنا ہے تو ڈرنا کیا

چلتا ہے کیوں چور کی چال

جوگی کو لوگوں سے کام

بین بجا اور سانپ نکال

یہاں تو پھر وہی دیوار و در نکل آئے

یہاں تو پھر وہی دیوار و در نکل آئے

کدھر سے یار چلے تھے کدھر نکل آئے

کہاں کا پائے وفا اور کہاں کا دشتِ طلب

کہ اب تو رستے کئی مختصر نکل آئے

ہوا رفیق نہ بے گار شوق میں کوئی

مقامِ زر پہ کئی معتبر نکل آئے

کچھ اجنبی سے لوگ تھے کچھ اجنبی سے ہم

کچھ اجنبی سے لوگ تھے کچھ اجنبی سے ہم
دنیا میں ہو نہ پائے شناسا کسی سے ہم
دیتے نہیں سُجھائی جو دنیا کے خط و خال
آئے ہیں تیرگی میں مگر روشنی سے ہم
یاں تو ہر اک قدم پہ خلل ہے حواس کا
اے خضرؑ! باز آئے تِری ہمرہی سے ہم