مٹی لذت داستاں کیا بتائیں

 مٹی لذتِ داستاں کیا بتائیں

کہاں لڑکھڑائی زباں کیا بتائیں

محبت کی راہیں، ارے توبہ توبہ

بہر گام سو امتحاں کیا بتائیں

غمِ ہجر کی تلخیوں کو نہ پوچھو

غمِ ہجر کی تلخیاں کیا بتائیں

بھڑک اٹھا سوز نہاں کہتے کہتے

 بھڑک اُٹھا، سوزِ نہاں، کہتے کہتے

زباں جل گئی داستاں کہتے کہتے

مِٹی دیکھتے دیکھتے، نوجوانی

گلستان میں آئی خزاں کہتے کہتے

تحمل کی دُنیا لُٹی جا رہی ہے

یہ کیوں چُپ ہوا رازداں کہتے کہتے

الٹی تدبیر ہوئی جاتی ہے

اُلٹی تدبیر ہوئی جاتی ہے

کیسی تقدیر ہوئی جاتی ہے

بِن تمہارے مجھے ہر شکل خوشی

غم کی تصویر ہوئی جاتی ہے

آپ کی ایک نگاہِ خود بِیں

حاصلِ تیر ہوئی جاتی ہے

تو جو مجھ سے ملول ہے پیارے

تُو جو مجھ سے ملول ہے پیارے

زندگانی فضول ہے پیارے

کوئی رو کے، کوئی رُلا کے ہے خوش

اپنا اپنا اصول ہے پیارے

جب تمہیں خود ہی کچھ نہیں احساس

پھر گلہ بے اصول ہے پیارے